Ikaztegieta

Ikaztegieta
Gipuzkoa
Izen ofiziala	Ikaztegieta
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Gipuzkoa Tolosaldea
Alkatea	Iker Otamendi Ibarguren (Bildu)
Herritarra	ikaztegietar
Koordenatuak	43°5′41″N 2°7′31″W
Eremua	2,00 km2
Garaiera	110 m
Distantzia	32 km Donostiara
Posta kodea	20267
Biztanleria	470 bizt (2011)
Dentsitatea	235 bizt/km²
Sorrera	1988
http://www.ikaztegieta.com/

Ikaztegieta Gipuzkoako Tolosaldea eskualdeko udalerria da. 2008an 459 biztanle zituen. Donostiatik 32 kilometrotara kokatua, Alegia, Orendain eta Baliarraingo udalerriekin egiten du muga Oriako ibarrean.

2 km karratuko azalera duen herrixka da Ikaztegieta. Ondo komunikaturik dago, non N-1 errepidea eta Madril-Irun trenbideak zeharkatzen dituen.

Historia

1374an Tolosara erantsi zen udalerria. 1615ean bere autonomia berreskuratu zuen Tolosarekin haserretu ostean. 1967 eta 1988 urteen artean, Orendain eta Baliarrain udalerriekin batera, Iruerrieta udalerria sortu zuten.

Kultura

Jaiak

Ikaztegietako jaiak abuztuaren 10ean ospatzen dira, San Lorentzo egunean.

Ondasun nabarmenak

San Lorentzoko eliza herriaren erdialdean kokatua dago. XVI. mendean sortua eta XX. mendean berriztatua. Herriaren kanpoaldean, Pilarreko ermita dago, XIX. mendean parroko batek egina.

Demografia

Biztanleriaren bilakaera

1900	1910	1920	1930	1940	1950	1960	1970	1981	1991	2001	2009
*	*	*	*	*	*	*	800	705	370	377	465

Ikaztegietar ezagunak

• Martin Zelaieta Lizartza: Leongo gotzaina XVIII. mendean.
• Martin Iturbe (1932-): apaiz eta idazlea.
• Juan Jose Olaberria (1945-): Euskadiko Ezkerra alderdiko kide izan zen. Eusko Legebiltzarkidea 1980 eta 1984 urteen artean.
• Iñaki Zubeldia (1945-): pedagogo eta idazlea.
• Leire Olaberria (1977-), pistako txirrindularia.