Iker Jiménez
 |
||
| Datu pertsonalak | ||
|---|---|---|
| Izen osoa | Iker Jiménez Elizari | |
| Jaio | 1973ko Urtarrilaren 10a | |
 Gasteiz, Araba(Euskal Herria) |
||
Iker Jiménez Elizari (Gasteiz, Araba, Euskal Herria. 1973ko urtarrilaren 10a) euskal kazetari bat da. Zientzia eta Informazio karreran Madrilgo Complutense Unibertsitatean eta Europar Unibertsitateanlizentziatu zen. Carmen Porter kazetariaren senarra da, honekin batera espainiar mailan Cuatro telebista kateko Cuarto Milenio programa eta Cadena SER irratiko Milenio 3 irratsaioa egiten dituelarik.
[aldatu] Ibilbide profesionala
Bere ibilbide profesionalaren hasieratik esoterismoa, magia, natur gaindiko eta sasi-zientifiko gaiei buruzko irratsaioetan berezitu da, aldi berean kirol eta gertakariei buruzkoetan jardunez. 1999an Enigmas sin resolver ("Konpondu gabeko enigmak") bere lehendabiziko liburua arrakasta handiz argitaratu zuen, eta ordudanik espainia mailako liburu salduenen zerrendaren barnean ikustea ohiko egin da.
Gaur egun, Cuatro telebista katean Cuarto Milenio programa aurkezten du, eta Cadena SER irratian Milenio 3 ("3 Milurtekoa") irratsaioa, biak zenbait naturaz gaindiko gaiak eta argitu gabeko enigmak jorratzen dituzten gaueko saioak dira (betiere elkarrizketa bidez eta berak ikerketa lan modura aurkezten duenaren arabera). Iker Jiménezek bere saioei "misterio-ontziak" ezizenez deitzen die. Orain bertan Cuatrok "Confidenciales Iker Jiménez" ("Iker Jimenez konfidentzialak") deituriko dokumental saioen ardura eman dio. Hauetako lehena 2008ko uztailaren 18an emititu zen, Chernobilgo ezbeharrari buruzkoa izan zelarik.
