Ikuspegi komunikatibo

Ikuspegi komunikatiboa edo hizkuntzen irakaskuntza komunikatiboa edo metodo komunikatiboa hizkuntzen irakaskuntza aurrera eramateko metodoa da. Ingelesezko aldaerak, Communicative Language Teaching, CLT eta Communicative Approach munduko hamaika hizkuntzatan zuzen-zuzen eraldatu dira, baita euskaraz ere, CLT batez ere.

Beste metodoekiko harremanak

Metodo gramatikala

Metodo gramatikala. Hiztegia eta gramatika.

Hizkuntza klasikoak irakatsi eta ikasteko erabiltzen zen metodoa. Latina eta grekera, esaterako, ikasten zutenen helburu nagusia idatzita zegoen hizkuntza bat ahalik eta hoberen ulertzea zen. Horretarako ikasi beharreko hizkuntzaren [gramatika] ondo deskribatzen saiatzen ziren.

Hiztegia alde batetik eta gramatika bestetik ondo landuta, edozein hizkuntza ikas zitekeela, uler zitekeela, uste zen.

Hiztegiak egiteaz gain gramatikak egiten ziren, gramatika deskriptiboak. Morfologia eta sintaxiarekin, batez ere, zerrenda eta taula zehatzak egiten saiatzen ziren, deklinabideak, aditzaren paradigmak-eta deskribatuz.

Hizkuntza lantzeko itzulpenak egiten ziren eta gramatika kontuak, modu esplizituan, behin eta berriro agertzen ziten.

Euskararekin ere horrela jokatu izan da. Aspaldidanik egin dira hiztegiak eta gramatikak. Aurkitu den hiztegirik zaharrena, Landuchio (1562) eta gramatika zaharrenak, Arnaud Oihenart (1638) eta Manuel Larramendi (1729) dira. Edozein hizkuntzatan lehen urratsak, modu akademikoan, egiteko hiztegia eta gramatika behar-beharrezkotzat jotzen zen. (Dena den, garai batean zenbait hizkuntzetan gramatikarik, logikarik, ez zegoela pentsatu egiten zuten mundu akademikoko zenbait pentsalarik).

Metodo audio-linguala

Hizkuntza laborategia. Metodo audiolingualak asko baloratu duen lanabesa.

Konduktismoak psikologian itzal handia izan zuen garaietan, hizkuntzen didaktikan metodo audiolingualak hartu zuen ospe ona.

Hizkuntza, beste hainbat gauza legez, errepikatzearen poderioz lor zitekeen ohitura on bat zela aldarrikatzen zuen metodo honek. Ohitura linguistiko onak hartzeko, gero eta estruktura konplikatuagoak zeuzkaten hizkuntza forma batzuk errepikatu behar ziren. Errepikatzeko hautatzen ziren hizkuntza formak gramatikalki oso zuzenak eta erabilgarriak behar zuten, errepikatzaileak inolako akatsik bereganatu ez zezan. Errepikatzerakoan, doinua eta ahoskera ahalik eta gehien zaintzeko esaten zitzaion ikasleari.

Irudian metodo honetan oinarritu diren hizkuntza laborategi horietako bat. Ikasleak grabazio batzuekin lan egiten du eta ahoskera, doinua eta gramatika estruktura batzuk errepikatzen ibiltzen da. Gero, egindako lana entzungo du eta berak grabatutakoa eta irakasle batek aurretik grabatutakoa erkatzeko aukera izango du.

Eduki-funtzioen metodoa

Metodo audio-lingualari ikusten zitzaizkion hainbat gabeziei aurre egiteko sortu zen metodoa. Eduki batzuk landu egiten ziren, testu inguru batzuk, eta testu inguru horietan komunikatzeko behar ziren hizkuntz formak lantzen ziren testu inguru horietan bete zitezkeen funtzioetan trebezia izateko. Ikasleei bere interesekoa izan zitekeen testu inguru bat aukeratzen zitzaien, eduki multzo bat aireportua esate baterako, (Aireportua izeneko unitate didaktikoa diseinatzen zen). Aireportuan bete daitezkeen komunikatzeko funtzioak lantzen ziten, informazioa eskatu, kartelak, txartelak, aireportuko dendak, dendetan egin daitezkeen erosketetako funtzioak, informazioa eskatu, galdetu, erantzun, gizalegeko, kortesiazko formulak, etab. Aireportuan bete daitezkeen funtzio oinarrizkoenak ikasita, beste testu inguru bat hautatzen zen aurrera egiteko, medikuarenean, esate baterako.

Metodo komunikatiboaren deskripzio laburra

Metodo komunikatiboaren helburua ikaslearen komunikatzeko gaitasuna garatzea da.

Ikuspegi komunikatiboarekin bat datozen eskola ekintzak

Dramatizazioak. Rol-playing

Ahozko komunikazioari lehentasuna ematen bazaio, ahozko ariketak egitea komeni da. Hizkuntza ikasleek aurkezpenak, azalpenak eta egin ditzakete. Elkarrizketak edo mahai-inguruak ere egin ditzakete. Hau guztia "benetan" edo antzezten egin daiteke, hau da, ikasleek bere burua ordezkatzen edo pertsonaia baten rola antzezten egin ditzakete ondo komunikatzeko ahaleginak. Ahalegin horiek grabatu egiten dira batzuetan, berriro entzun... Ikasleek ondo komunikatzeko zertan asmatu duten eta zertan ez hausnartuko balute, ekoiztutakoaren ebaluazioak hobetzeko bidea zabalduko luke.

Elkarrizketak (egin, grabatu)

Ikasleak kazetari klasikoaren rolean jarrita komunikatzeko gaitasuna garatuko dela argi dago. Elkarrizketak elkarri egin diezaiekete ikasleek edo jatorrizko hiztunei, ikasleen gustuen arabera pertsona bereziki interesgarriei...

Ikasleen artean sakabanaturiko informazioa elkar trukatu

Ahoz zein idatziz egin daitezke. Gaur egungo internetek aukera berriak eskaintzen ditu informazioa elkarlanean sortzeko eta elkar trukatzeko: wikiak, foroak, e-posta, txatak, blogak...

Hizkuntz jolasak

aisia.net

Irakasle batzuen wikia (prestatzen)

Hizkuntzen arteko elkar-trukaketak

Hizkuntzen trataera bateratua izan da EAEko hezkuntza saileko lehentasun ildoetako bat

Inkestak, galdetegiak

Iritzia eman, iritzia eskatu, galdetu, erantzun... Komunikatzeko gaitasunaren oinarrizko abileziak dira. Irakasleak ikasleak egoera komunikatibo ahalik eta esanguratsu eta erakargarrien sartzen saiatuko da. Ikasleak iritzi emaile edo inkestagile rolean jartzea ariketa egokia izan daiteke. (Ahoz zein idatzizko ariketak sor daitezke)

Lanean taldeka

Ikasleek dakitena alde batetik eta ikasleen interesak kontuan hartuta bestetik, ikasleen jakin-mina sustatzeko asmoa izango da abiapuntua.

Edozein gai izan daiteke egoki komunikatzeko gaitasuna garatzeko eta taldean lan egiteko baldin eta gaia ikasleen interesa eta komunikatzeko gogoa edo beharra pizten badu.

Ikerketak, informazio bilketak-eta, proiektu esanguratsu eta erakargarri baterantz bideratzen bada, hobe. Irakasleak proiektu horiek proposatuz eta sustatuz ikasleen talde lana bideratuko du.

Ebaluazioa ez da irakaslearen lana, besterik gabe, izango. Ikasle guztiek besteei lagunduz bere buruei ere lagunduko diete. Zertan asmatu dugun eta zertan ez, etengabe galdetuta, etengabeko hobekuntzaren bila ibili beharko da lan-taldea.

Mahai-inguruak, debateak, eztabaida arautuak

Solasaldiak eta deskonferentziak antolatzea, komunikatzeko gaitasuna eta jakin-mina sustatzeko oso lanabes egokiak direla frogatu egin da behin baino gehiagotan. Ikasleen parte hartzea sustatu behar du irakasleak, moderatzaile lanak ere, ahal bada, ikasleen eskuetan utzita.

Talde elkarreragileak

Talde elkarreragileak. Ikasleak talde txikietan antolatuko dira. Talde bakoitzean ikas-komunitateko pertsona batek, heldu batek ahal bada, moderatzaile rola hartuko du. Taldeak zer egin beharko duen eta zein denboratan azalduko du. Taldeak zer egin behar duen irakasleak diseinatuko du aurretik. Ikasleek, denbora jakin batean, problema bati irtenbiderik onena bilatzeko eztabaidatuko dute. "Helduak", behar izatekotan, moderatzaile lana egingo du eta gaiari eusten zaiola zainduko du.

Irakasten ikasi

Ikasleak taldeka jartzen direnean askotan gertatuko dira egoera komunikatibo kooperatiboak. Askotan ikasle batek beste bati zerbait irakatsi behar izango dio.

Frogatuta dago egoera horietan bai irakasten dutenek bai ikasten dutenek, jakina, guztiek probetxu handia ateratzen diotela egoera komunikatiboari. Guztiek ikasten dute, irakasten dutenek ere bai.

Ikasketa dialogikoa

Ikasketa dialogikoa

Solasaldi dialogikoa

Kanpoko loturak

Ikuspegi komunikatiboaSanturtzi Udal Euskaltegia. Didakteka. Dibulgazio artikulu laburra.

Ikuspegi komunikatiboa 15 diapositibetan.

Erreferentziak

• BARAIBAR, Helena eta BOAN, Kristina: Ikastolen elkartea, 2006, "...hizkuntzen irakaskuntzan ikuspegi komunikatiboaren aldeko hautua egin beharra dugu" HIK HASI aldizkariko artikulua.
• (Ingelesez) BAX, S (2003) The end of CLT: a context approach to language teaching ELT J 2003 57: 278-287
• (Ingelesez) BRON, H.D. 1994. Principles of Language Learning and Teaching. Prentice Hall.
• (Ingelesez) BROWN, H.D. 1994. Teaching by principles - An interactive approach to language pedagogy. Prentice Hall.
• (Ingelesez) HARMER, J. (2003) Popular culture, methods, and context ELT J 2003 57: 288-294
• (Gaztelaniaz) MARTÍNEZ AGUDO, Juan de Dios. "Hacia una enseñanza de lenguas extranjeras basada en el desarrollo de la interacción comunicativa".
• { {es}} MONTIJANO, M.P. 2001. Claves didácticas para la enseñanza de la lengua extranjera. Ediciones Aljibe.
• (Gaztelaniaz) NUNAN, David. 1996. El diseño de las tareas para la clase comunicativa. CUP
• (Ingelesez) NUNAN, David. (2005) Important Tasks of English Education: Asia-wide and Beyond. The Asian EFL Journal Vol 7 (3)
• (Gaztelaniaz) RICHARDS, J.C. y RODGERS, T. S. 1998. Enfoques y métodos en la enseñanza de idiomas. CUP
• (Ingelesez) RODGERS, T. S. 2001. Language Teaching Methodology. Center for Applied Linguistics Digest. Consultado el 27 de septiembre de 2004
• (Gaztelaniaz) WILLIAM, N. y BURDEN, R.L. 1999. Psicología para profesores de idiomas. Enfoque del constructivismo social. CUP.
• (Gaztelaniaz) SHEILS, J. (1988): Communication in the modern languages clasroom. Project No. 12: Learning and teaching modern languages for communication. Council for Europe, Estrasburgo
• (Gaztelaniaz) VEZ, J.M. (1998): "Enseñanza y aprendizaje de lenguas" in A. Mendoza (ed.): Conceptos clave en didáctica de la lengua y la literatura. Barcelona, SEDLL, ICE Universitat de Barcelona, Horsori
• (Gaztelaniaz) VILLANUEVA, M.L. (1997): “Estilos cognitivos y estilos de aprendizaje. Autonomía y aprendizaje de lenguas” in M.L. Villanueva eta I. Navarro (ed.):Los estilos de aprendizaje de lenguas. Publicacions de la Universitat Jaume I, Col·lecció Summa, Série Filológia nº 16
• (Gaztelaniaz) VILLANUEVA, M.; SERRA, R. (1990): Propuesta para un plan de formación del profesorado de lenguas de la Comunidad Valenciana. Valencia, NAU llibres

Artikulu hau hezkuntzari buruzko zirriborroa da. Wikipedia lagun dezakezu edukia osatuz.