Ilaski Serrano
Ilaski Serrano (Bermeo, Bizkaia, 1976ko martxoaren 9a) kazetaria, esataria eta telebistako-aurkezlea da. Kazetaritzan lizentziatua da.
21 urterekin eta karrera amaitu gabe zuela, Euskadi Gaztea irrati-katean hasi zen lanean esatari bezala. Geroago, telebistan agertzen hasi zen, irratiko lanak inoiz baztertu gabe. Hurrengo telebista-programatan egin du lan: KTM!, Betizu Gain-Gaina, Betishow, Betizu Arena. Ondoren, bi urtez aritu zen, herriz-herri Betimu karaokea aurkezten. Gero, Kuxkuxeroak umorezko saioan egin zuen lan.
2006ko urtarrila geroztik Mihiluze telebista-programa aurkezten du Kike Amonarrizekin. Horrez gain, 2011ko irailetik Oilategia irratsaioa aurkezten du Euskadi Irratian, Mikel Pagadizabal eta Jon Iraolarekin batera.
[aldatu] Sariak
2008ko maiatzean Bermeoko Arrain Azokako hasierako ekitaldian 2008. urteko Hegaluze Saria eman zioten, Bermeo ezagutzera emateagatik edo urteko bermeotarra izateagatik.
[aldatu] Kanpo loturak
 |
Artikulu hau Euskal Herriko biografia bati buruzko zirriborroa da. Wikipedia lagun dezakezu edukia osatuz. |
