Ilia Chavchavadze
Wikipedia(e)tik
Ilia Chavchavadze (Kvareli, Georgia, 1837 - Tbilisi ondoan, Georgia, 1907) georgiar idazlea eta politikaria izan zen.
[aldatu] Biografia
XIX. mende-erdialdetik aurrera Georgiak izan zuen pizkunde-mugimenduaren bultzatzaile nagusietako bat izan zen. Poema (1860, Kako bidelapurra; 1859, Agerpena; 1883, Eremutarra) eta eleberri (1859-1863, Gizona ote da?) ugari idatzi zuen.
Georgiako independentzia eta askatasunaren alde agertu zen beti. Iberia aldizkariaren zuzendaria izan zen. Atentatu batean hil zuten, Tbilisitik Saguramorako bidean.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
