Innsbruck

Innsbruck
Tirol
Izen ofiziala	Innsbruck
Herrialdea Estatua	Austria Tirol
Koordenatuak	47°16′N 11°23′E
Innsbruck
Eremua	414,65 km2
Garaiera	574 m
Posta kodea	6010–6080
Biztanleria	120.147 bizt (2011)
Dentsitatea	289,76 bizt/km²
http://www.innsbruck.at

Innsbruck Austriako mendebaldeko hiria da, eta Tirolgo hiriburua. Alpeen ekialdean dago, Inn ibaiaren haranean. 2010ean 119.249 biztanle zituen. Ezaguna da neguko kirolen egoitza garrantzitsua delako. Hain zuzen ere, 1964an eta 1976an Neguko Olinpiar Jokoak antolatu zituzten bertan.

Historia

Innsbruck salerosketagune aberatsa zen antzina, eta hori zela eta erromatarrek beren kolonia egin zuten. 1239an jaso zuen hiri gutuna, eta 1363an Tirolek eta Austriak bat egin zutenean Habsburgotarren mendean gelditu zen. 1420an egin zuten Tirolgo hiriburu.

Napoleonek Bavariako Erresumaren eskuetan utzi zuen Tirol, baina Innsbruckeko biztanleak, Andreas Hofer buru zutela, Bavariaren kontra matxinatu ziren, eta 1814an Innsbruck Austriako lurralde bihurtu zen.

Turismoa

Turismoa da hango ekonomia jarduera nagusia (neguko kirolak). Ehungintza, beiragintza eta tresneria ere garrantzitsuak dira.

Ondasun nabarmenak

Parte zaharrean eraikuntza aipagarri asko daude: erreg jauregia, garaipen arkua, unibertsitatea, Maximiliano I.a enperadorearen hilobia, eta abar.

Inguru naturala

Iparraldean Nordkette edo Hafelekar (2334 m) mendiak ditu eta hegoaldean Patscherkofel (2246 m) eta Serles (2718 m).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.

Kanpo loturak

• Hiriko webgune ofiziala (Alemanez)

Ikuspegi panoramikoa