Iralabarri

Iralabarri
Bilbo, Errekalde
Herrialdea Probintzia Udalerria	Euskal Herria Bizkaia Bilbo
Azalera	0.39 km²
Biztanleria	11.696
Dentsitatea	29990 bizt / km²
Iralabarri Iralabarri Iralabarri
Koordenatuak:	43°15′18″N 2°56′09″W

Iralabarri Bilboko auzoa da. Bilboko Errekaldeko barrutian kokaturik, zazpigarren barrutian alegia. Auzoak 11.696 biztanle eta 0,39 kilometro karratuko azalera zeukan (2006an Bilboko udalak emaniko datuen arabera). Iparraldean Errekaldeberrirekin egiten du muga, hegoaldean Zabalako auzoarekin, mendebaldean A-8 autobidearekin, eta ekialdean Zabalburu eta Abandorekin.

Irala, nekazal gunea zen hasieran, baserri eta ortuak zeuden bertan. Horietako bat, Urizar dorretxea da. XX. mendearen hasieran, industrializazioaren hastapenetan, enpresek euren langileentzako etxeak eraiki ohi zituzten. Bilbon ogia ekoizten zuen lantegi nagusienetako zen Harino Panaderak ere halaxe egin nahi zuen, eta horretarako Iralabarri auzoan egin zizkien bere langileei etxeak. Auzo berri horrek hiru pisutako etxebizitza blokeak, eta ortuak zituzten erdiko patio zabalak zeuzkaten.

Ondorengo hamarkadetan ordea, hirira zetorren etorkin oldeak eraginda inolako ordenik jarraitu gabe eraiki zen auzoan, garapenkeriaren urteek kale estu eta argitasunik gabeen agerpena ekarri zuten. Azken urteetan hainbat hobekuntza egin dira eta parke bat eraiki da A-8 autobidetik gertu, Eskurtze parkea

Kalerik garrantzitsuenak

• Irala kalea
• Kirikiño kalea

Elkarteak

• Irola irratia
• Gazte Lokala