Iruñarri
|
||||
|---|---|---|---|---|
 Eratsun udalerriaren lursailetan dagoen Iruñarri edo Elazmuino mendiko zutarria, atzean gailurra eta antenak ikus daitezkelarik. |
||||
| Garaiera | 1.051 m | |||
| Gailurra | 79 m | |||
| Koordenatuak | 43°06′05″N 01°48′44″W / 43.10139°N 1.81222°WKoordenatuak: 43°06′05″N 01°48′44″W / 43.10139°N 1.81222°W | |||
| Mendilerroa | Erakurri | |||
| Ohiko bidea | Ezkurra eta Zubieta udalerrien artean doan NA-170 errepidetik mendian gora ateratzen den mendi-bidea edo pista hartuaz | |||
  Iruñarri
|
||||
| Kanpo loturak | Mendikat Luberri |
|||
Iruñarri edo Iruinarri (antzinako izena Elazmuino) Nafarroako Malerreka eskualdeko Eratsun udalerriaren lursailetan kokatzen den mendia da. 1.051 metroko garaiera du. Bere gailurrean telebista eta irrati seinalea ematen duen hainbat antena daude, hauetara ailegatzeko NA-170 errepidetik desbideratu eta goruntz gailurreraino doan mendi-bide bat dago.
Eduki-taula |
[aldatu] Abiapuntuak
- NA-170 errepidetik desbideratu eta goruntz gailurreraino doan mendi-bide bat dago. Oinez nahiz ibilgailuz joan daiteke.
- Ezkurrako mendatetik, oinez: ordu bat eta 45 minutu.
- Ezkurra udalerriko herrigunetik, oinez: ordu bat eta 30 minutu.
[aldatu] Esanahia
Mikel Belasco hizkuntzalariak adierazten duen bezala, izendapena euskarazko harri eta Iruñea hitzetatik dator. Honela bada, literalki itzuli ezkero "Iruñeko harria" esan nahiko luke.
[aldatu] Iruñarriko zutarria edo iruinharria
Iruñarriko zutarria gutxi gorabehera 1.000 metroko garaieran dago[1]. Iruinarri mendiaren hegoaldeko aldean kokatzen da, gailurretik oso hurbil. Gailurrera daraman mendi-bide edo pistaren azken zatitik 50 metrotara maldan behera ongi ikus daiteke.
Gaur egun zutarri honek duen ospea dela eta, mendi osoak Iruinarri edo Iruñarri izena hartu du, baina antzina Elazmuino edo Elazmuño deitzen zen.
[aldatu] Mitologia
Hainbat kondairen arabera Sansonek harritzar hau Donostiako Igeldo menditik edo Beruete udalerriko Otsolako larretik hona jaurtiki omen zuen, aldiz, beste batzuen esanetan Errolan edota jentilak izan omen ziren. Beste harritzar edo zutarrien kasuetan aipatu ohi den bezala, harkaitza bere jaurtiketa ibilbidean motz gelditu eta Euskal Pirinioetako txoko honetan erori omen zen.
[aldatu] Erreferentziak
- ↑ http://www.diariodenavarra.es/20090104/especiales/rincones-singulares/el-menhir-irunarri.html?val=0&sec=20090104 El menhir de Iruñarri, Lugares singulares. José A. Perales. Diario de Navarra egunkaria
[aldatu] Kanpo loturak
- Iruinarri mendia Euskal Mendiak webgunean ikusgai (Euskaraz)
- Iruinarri mendia mendikat webgunean ikusgai (Gaztelaniaz)
- Iruinarri mendiari buruzko argazkiak (Gaztelaniaz)
- El menhir de Iruñarri, Lugares singulares. José A. Perales. Diario de Navarra egunkaria. (Gaztelaniaz)
 |
Euskal Herriko mitologiako lekuak | |
|---|---|---|
|
Agamunda • Agerre • Aizkomendi • Aizkorri • Aizkultzeta • Aiztgaizto • Aitzpelarreta • Akelarre • Aketegi • Albi • Amabirjina-harria • Anboto • Andredena Mariako iturri • Aralar • Askaata • Askoa • Ata • Auñamendi • Azalegi • Baltzola • Basajaun haitza • Errolan Harria • Gaztelugatxe • Ipestikoarri • Iruñarri • Jentilarri • Jentilbaratza (Ataun) • Kanbellu • Kastrexanako zubia • Lezao haitzulo • Ligiko zubia • Mondarrain • Murumendi • Orhi • Salbatore kapera • Saltarri • Sarako lezeak • Semeola • Txurrumurru • Done Mikel Aralarkoaren santutegia • Urgeldi • Zugarramurdiko leizeak |
||
