Iruaritz baserria

Iruaritz
Kokalekua
Lurraldea	Araba
Eskualdea	Aiaraldea
Udalerria	Amurrio
Auzoa	Lezama
Orientazioa	Ekialdera
Garaiera	333 m
Iruaritz baserria Iruaritz baserria (Araba)
Ezaugarriak
Garaia	XVII. mendea
Oinplanoa	angeluzuzen
Katalogatua
Eusko Jaurlaritza	1996ko maiatzaren 2a

Iruaritz Amurrioko Lezama herrian dagoen baserria da. Egun nekazaritza turismoko etxea da.

1996ko maiatzaren 2an, Eusko Jaurlaritzak monumentu izendatu zuen, Sailkatutako Kultura Ondasuna.

Ezaugarriak[aldatu | aldatu iturburu kodea]

Etxe bakarra da, Lezamako "La Amargura" auzoko tontortxo batean dagoena.

XVII. mendeko lehenengo berrogeita hamar urteen barruan eraikitakoa da. Jatorrizko ezaugarri tipologikoei eusten die bai fatxada behinenean eta bai zurezko egitura-sisteman ere.

Oinplano angeluzuzena du baserriak eta hiru solairu. Bi isurialdeko estalkia du. Fatxa behinenarekiko perpendikularra da gailurra. Hegaldura handia duen teilatu hegalak jabaloiak ditu oinarritzat.

Fatxadarik behinenak ekialdera ematen du. Entramatuzko fabrika du eta etxearen hiru hormarteak mugatzen dituen poste osoak eta handiak. Zutiko ebakidura bertikaleko hormataletan zatitzen dira hiru hormarteok. Luzera, habe frontal sendoek adierazten dute altueren zatikuntza. Beheko solairuan harri-hormazkoa da entramatuaren itxiera; goiko solairuetan, ordea, adreilu trinkoa erabiltzen da.

Baoak ez daude era erregularrean banatuta. Sarrera bi ditu beheko solairuan: batetik kortetara sar daiteke, eta bestetik etxebizitzara. Eskuineko hormartean balkoi-hegalkina dago; balkoi-karela erdialdean; eta beste hegalkin bat ganbarako solairuan.

Petral-buruak eta gailurra boluta erdiekin apainduta daude. Jabaloi nagusian eta gapirio batzuetan irudi geometrikoak dituzte.

Harlanduzko etxola erantsia du baserriak eskuinaldean.

Erreferentziak[aldatu | aldatu iturburu kodea]

Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).