Irunberrialdea

Eskualdearen kokapena Nafarroan.

Irunberrialdea (Comarca de Lumbier gaztelaniaz) Nafarroako ipar-ekialdean dagoen eskualdea da, Pirinioa eta herrialdeko erdialdea lotzen dituena.

Lau udalerrik osatzen dute eta Irunberri bera da herriburua eta eskualdeari izena ematen diona. 2.000 biztanle baino gutxiago biltzen ditu gaur egun.

Euskararen Foru Legearen arabera zonalde ez euskaldunean kokatuta dago eremu hau.

Mugakideak

Ipar eta ipar-mendebaldean Auñamendiko eskualdea, hegoaldean Zangozaldea eta Cinco Villas (Zaragozako probintzia), ekialdean eta ipar-ekialdean Zaraitzuko ibarra eta mendebaldean Agoitzaldea mugakide ditu.

Udalerriak

1. Irunberri: 1.373 biztanle (2007).
2. Urraulbeiti: 288 bz.
3. Erromantzatua: 166 bz.
4. Urraulgoiti: 165 bz.

Ikus, gainera

• Nafarroako eskualdeak
• Zangozako merindadea