Irura

Irura
Gipuzkoa
Izen ofiziala	Irura
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Gipuzkoa Tolosaldea
Alkatea	Ainhoa Ugalde Gorostiaga (Bildu)
Herritarra	irurar
Koordenatuak	43°10′3″N 2°4′7″W
Eremua	2,99 km2
Garaiera	65 m
Distantzia	21 km Donostiara
Posta kodea	20271
Biztanleria	1.619 bizt (2011)
Dentsitatea	541,47 bizt/km²
Sorrera	1845
http://www.irura.net/

Irura Gipuzkoako ekialdean eta Tolosaldeako eskualdean dagoen udalerria da. 2008an 1.418 biztanle zituen.

Bestela, UEMAko kidea da.

Inguru naturala eta kokapena

Irura Tolosaldearen iparraldean dago, iparraldean eta ekialdean Villabonarekin egiten du muga, ipar-mendebalde eta mendebaldean Anoetarekin, eta Tolosarekin hegoaldean. Gipuzkoako hiriburutik 21 kilometrora dago.

Oria ibaiak udalerria zeharkatzen du.

Historia

Erdi Aroan Irura laborantza-herria zen, Oria ibaiaren ondoan kokatua. 1385eko abuztuaren 4an, Irurak Tolosako hiribilduarekin bat egin zuen Ahaide Nagusien eredu feudalari aurre egiteko eta nekazariak hauengandik babesteko. Hala ere, Irurak herri-basoen jabegoa mantendu eta bere eremua bereizteko mugarriak jartzen jarraitu zuen.

1845. urtetik aurrera, Isabel II.aren erreformaren ondoren, Irura udalerri bihurtu zen berriz ere.

Demografia

Biztanleriaren bilakaera

1900	1910	1920	1930	1940	1950	1960	1970	1981	1991	2001	2009
398	372	398	515	545	627	664	874	702	632	910	1.515

Politika

2011ko maiatzaren 22ko hauteskundeetako emaitzen ondorioz, Bildu koalizioko Ainhoa Ugalde hautatu zuten alkate.

2011ko udal hauteskundeak

Irurako udalbatza
Alderdia	Zinegotziak	Boto kopurua
Bildu	8	489 (%70,56)
Euzko Alderdi Jeltzalea (EAJ)	1	120 (%17,32)
Euskadiko Alderdi Sozialista (PSE-EE(PSOE))	-	54 (%7,79)
Alderdi Popularra (PP)	-	30 (%4,33)

2007ko udal hauteskundeak

Bakarrik PSE-EE eta PP alderdi politikoak baino ezin ziren aurkeztu, Espainiako Auzitegi Gorenak Abertzale Sozialistak eta EAEren hautes-zerrendak baliogabetu baitzituen. Hori dela eta, aurreko alkateak, Marimi Ugaldek, boto zuria eskatu zuen. 971 lagunek zuten bozkatzeko aukera eta hauek izan ziren emaitzak:

• Zuriak: 562 boto.
• Baliogabeak: 14 boto.
• PSE-EE: 18 boto.
• PP: 12 boto.
• Abstentzioa: %37,59a.

Bi alderdi politiko horiek zinegotziak izateko botoen %5a lortu behar zutenez, ezin izan zuten udal talderik sortu eta beraz alkatetza Marimi Ugalderen, aurreko alkatearen, esku geratu zen.

Alkateak

Alkatea	Agintaldia	Alderdia
Marimi Ugalde Zabala	1995-1999 1999-2003 2003-2007 2007-2011	HB HB EH (ilegalizatua) EAE (ilegalizatua)
Ainhoa Ugalde	2011- jardunean	Bildu

Ondarea

• San Migel parrokia
• Udaletxea
• Laskibar baserria
• Agerre baserria.
• Larriturri baserria

Ikus, gainera

• Gipuzkoako udalerrien zerrenda

Kanpo loturak

• (Euskaraz)(Gaztelaniaz)(Ingelesez) Irurako udalaren webgunea.