István Széchenyi

Istvan Szechenyi.

István Széchenyi de Sárvár-Felsővidék (izengoitiak: Sarvar-eko kondea, Magiar Handia) (Viena, 1791 - Döbling, 1860) Hungariako politikaria izan zen.

Biografia

Austriako gudarostean borrokatu zen. 1815etik aurrera, Europan zehar bidaiatu zuen erakunde politikoak aztertzeko, eta hala jabetu zen merkataritzaren eta industriaren garrantziaz eta, horrekin batera, bere herrialdeko ibaiak garraiorako egokitzeko beharraz. Berrikuntzak sustatu zituen ekonomiaren eta kulturaren alorrean; nekazaritza eguneratzen saiatu zen, laborarien morrontza kendu zuen eta komunikabide-sare bat sortu zuen. 1833an, Danubioko Nabigazio Elkartea sortu zuen; Budaren eta Pesten arteko lehenengo zubi eskegia eraikiarazi zuen. Liberal moderatua zen, eta liberal erradikalak aurka izan zituen. 1848an, Hungariako lehenengo gobernuko kide izendatu zuten; urte hartan bertan gaixotu, eta erietxe batean eman zituen bere azken urteak.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.