Itsukushima

Itsukushima
Itsukushima
Datu orokorrak
Mendirik altuena	Misen mendia
Mota	uharte
Azalera	30,33 km²
Geografia
Koordenatuak	34°16′32″N 132°18′28″E / 34.275555555556°N 132.30777777778°E
UTC ordua	UTC+09:00
Honen parte da	Geiyo Islands (en) ; Three Views of Japan (en)
Estatu burujabe	Japonia
Japoniako prefekturak	Hiroshima
Japoniako hiria	Hatsukaichi
Babestutako-eremua	Setonaikai Parke Nazionala
Ur-gorputza	Hiroshima Bay (en) ; Ōno Seto (en) ; Miyajima-seto (en)
Leku geografikoa	Aki Sea (en)
Mendizaletasuna

Itsukushima uhartea (japonieraz: 厳島^?) edo Miyajima uhartea (japonieraz: 宮島^?) Setoko Barne Itsasoaren mendebaldean dagoen uhartea da eta Hiroshima prefeturari dagokio. Bereziki ezaguna da UNESCOk Gizateriaren Ondare izendatu zuen Itsukushima santutegiarengatik. Honetaz gain Japoniako hiru ikuspegi ederrenen artean dago Amanohashidate eta Matsushimarekin batera.

Geografia[aldatu | aldatu iturburu kodea]

Hiroshimako Badian dagoen uharte txikia da, 30'39 km² baino ez du azaleraz, eta 2005 arte Miyajima herriari bazegokion ere (hortik bere izen popularra) gaur egun Hatsukaichi hiriaren parte da. 2.000 biztanle inguru ditu eta uharte sakratua denez ezin da zuhaitzik moztu, eta bertan jaio edo hiltzea ere debekaturik dago. Hegaztientzat paradisua da eta oreinak libre dabiltza Mijayima herrian.

Horrela beraz basoak estaltzen du uhartea, zuhaitz gehienak astigarrak dira, eta punturik altuena 535 metroko garaiera duen Misen mendia da. Oinez igo daiteke baina teleferikoa ere badago.

Historia[aldatu | aldatu iturburu kodea]

Itsukushima santutegia VI mendekoa dela uste da baina gaur egungo itxura Taira no Kiyomori gerlariak eman zion 1168an. Bestalde IX mendean Kōbō Daishi (弘法大師) monje budistak hainbat tenplu eraiki zituen bertan, denen artean aipagarriena bere izena daraman Daishō-in tenplua da dudarik gabe.

1555 urtean Mōri Motonari jauntxoak Miyajimako borroka irabazi zuen eta Toyotomi Hideyoshik Senjō-kaku tenplua eraiki zuen santutegiaren ondoan.