Itzaga

Itzaga
Datu orokorrak
Garaiera	1.361 m
Mota	mendi
Geografia
Koordenatuak	42°42′48″N 1°25′43″W
Mendikatea	Itzagako mendilerroa
Herrialdea	Euskal Herria
Foru erkidego	Nafarroa Garaia
Mendizaletasuna
Ohiko bidea	Zuhatzu (Itzagaondoa), Ardanatz, Altzorritz
Luberri	Luberri

Itzaga Nafarroako mendi bat da, Itzagaondoa haran eta udalerriari izena ematen diona. Mendiak bere iparraldean dauden Itzagaondoa eta Untziti edo Untzitibar hegoaldean dagoen Ibargoititik bereizten ditu. Tontorra, 1.361 metrokoa, Itzagaondoko lurretan dago. Altuera baino, ordea, bere prominentziak (800 metrokoa) bihurtzen du nabari eta Nafarroako hainbeste lekutatik ikusgai eta identifikagarri agertzen da.

Nagusitasun horren laguntzaz, gailur honetatik iparraldera begira Mendebaldeko Pirinioetako mendi nagusiak ikus daitezke, Euskal Herrikoak nahiz Aragoikoak. Ipar-mendebalderantz Iruñerria bere osotasunean ikusten da, besteak beste; hegoalderantz (Nafarroan norabide honetan ez baitago garaieran gailentzen zaion mendirik) Moncayo bera ere soma dezakegu.

Bere ingurumarietan, tontorretik minutu gutxira, Itzagako San Migel baseliza dago. Honaino Zuhatzutik datorren pista heltzen da. Beste abiapuntu batzuk Ardanatz eta Erreta herriak dira.

Itzaga mendiaren igoera eta gailurra (1.360 m).

Jakingarriak

Mendiaren tontorrean bigarren mailako erpin geodesikoa dago.

Ikus, gainera

• Nafarroako mendien zerrenda

Kanpo estekak

• euskal-herria.org webgunean

Euskarazko Wikipedian bada atari bat, gai hau duena: Euskal Wikiatlasa

• Datuak: Q8538688
• Multimedia: Itzaga / Q8538688