Itziar

Wikipedia(e)tik
Hona jo: nabigazioa, Bilatu

Itziar

 Gipuzkoa
Itziarreko ikuspegia.jpg
Itziarreko ikuspegia.
Udalerria Deba
Itziar non dagoen adierazten duen Euskal Herriko mapa
Itziar
Itziar non dagoen adierazten duen Gipuzkoako mapa
Itziar
Koordenatuak: 43°16′34″N 2°19′48″W / 43.27611°N 2.33000°W / 43.27611; -2.33000Koordenatuak: 43°16′34″N 2°19′48″W / 43.27611°N 2.33000°W / 43.27611; -2.33000
Garaiera 275 m
Biztanleria 408

Itziar Debako (Gipuzkoa) udalerriko auzoa da, Andutz mendiaren ondoan dagoena. Debaren parte izan arren herri-izaera sendoko komunitatea da. Herrigunean 408 biztanle bizi dira eta auzoetako biztanleak kontuan hartuz gero, 1.000 itziartar inguru daude gaur egun. Debatik 6 kilometrora dago kokatuta herrigunea.

Auzoak[aldatu | aldatu iturburu kodea]

Itziar auzo ugariz osatutako herria da. Herri-guneaz gain, Itxaspe, Egia, Lastur, Arbiskoa, Endoia, Elorriaga eta Mardari auzoak ere badira.

Herri-gunean bertan honoko kaleak daude:

  • Alondegi.
  • Galtzada.
  • Prozesio.
  • Erronda.
  • Goiko kalea.
  • Mutxiarte.

Historia[aldatu | aldatu iturburu kodea]

Gipuzkoako herri zaharrenetakoa da Itziar. Historia aurreko aztarnategi guztiz garrantzitsuak aurkitu dira bertan (Urtiagako lezea). Tricio Tubolico erromatarren garaiko herria omen zen, barduliarren eta karistiarren arteko mugan.

1294. urtean, Antso IV.a Gaztelako erregearen garaian, Monreal izeneko hiri bat eraiki zen Itziarko lurretan. XIV. mendean, 1343. urtean, Itziarko hiria arrantza portutik urrunegi eta nekazaritzarako garaiegi zegoela eta, hiria Deba ibai ertzera aldatzeko erregutu zioten bertako biztanleek Gaztelako erregeari eta Debako auzo izan zen Itziar aurrerantzean.

Udalerri egiteko asmoak agertu dituzte oraintsu, Itziarko zenbait biztanlek eta taldek, Itziar Herria Sortzen plataformaren bidez.

Hizkuntza[aldatu | aldatu iturburu kodea]

Hizkuntza nagusia euskara da, gipuzkera; euskaldunak % 90 dira.

Ondarea[aldatu | aldatu iturburu kodea]

Aipagarria da XVI. mendeko Andre Dona Mariaren eliza platereskoa (Itziarko Andre Mariaren santutegia). Itziarko santutegia erdigunean dago kokatuta, Herriko Plazan bertan. Itziarko Ama Birjinaren eguna, Koprai eguna, abuztuaren lehenengo igandean ospatzen da.

Herri txikia izan arren, festa-giro politaren jabe da Itziar eta jende andana hurbiltzen da urtero.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Portal.svg
Wikipedian atari bat dago honi buruz:
Euskal Herriko Wikiatlasa