Izar aldagarri irregular

Izar aldagarri irregular bat, bere dizdira aldaketek, tarte detektagarririk ez duten izar aldagarri mota bat da. Bi talde oso ezberdinduetan bereiz daitezke:

• Izar aldagarri eruptibo irregularrak
• Izar aldagarri pultsante irregularrak

Aldagarri eruptibo irregularrak

Hiru mailatan bana daitezke:

• I taldea: Hau, aldi berean, IA (Otik Arako espektru motak) eta IB (Ftik Mrako espektru motak) azpitaldeetan banatzen da.
• IN taldea: (aldagarri irregular lainotsuak), izar eraketa gertatzen ari den tokietan aurkitzen direnak. Zenbait magnitude alda dezakete, egun 1 eta 10 bitartean magnitude 1eko aldaketa azkarrekin. Espektru motaren arabera, INA eta INB azpitaldeetan ere bana daitezke; gainera, INT azpitaldea dago T Tauri izarrentzako edo INT (YY), YY Orionis izarrentzako.
• IS taldea: 0,5 eta magnitude 1 arteko aldaketa azkarrak izaten dituzte ordu edo egun gutxi batzuetan. Hauek ere, aurreko bi mailak bezala, azpitaldetan banatzen dira, ISA eta ISB azpitaldeetan, zehazki

Aldagarri pultsante irregularrak

Espektru mota berantiarretako (K, M, C, S) izar pultsanteak dira. Bi mailatan bana daitezke:

• L-LB motakoak, izar erraldoiak badira
• LC motakoak, izar superrerraldoiak badira

Mota honetako izar aldagarri batzuk, askorik aztertu ez diren izar aldagarri erdi irregularrak izan daitezke.