Gaztelar Ezkerra

Wikipedia(e)tik
Izquierda Castellana» orritik birbideratua)
Hona jo: nabigazioa, Bilatu
Izquierda Castellana (IzCa)
Gaztelar Ezkerra
Buruzagia Doris Benegas
Bozeramailea Luis Ocampo
Sorrera 2002
Egoitza nagusia Valladolid (Gaztela eta Leon)
Ideologia politikoa Gaztelar nazionalismo
Ezker iraultzaile
Independentismo
Sozialismo
www.izca.net

Gaztelar Ezkerra (gaztelaniaz: Izquierda Castellana [IzCa]) mugimendu ezkertiar independentista bat da, Gaztelar Ezkerraren eremua Espainiako hainbat autonomia erkidegoak dira, Kantabria, Gaztela eta Leon, Errioxa, Madrilgo Erkidegoa, Gaztela-Mantxa eta Plana d'Utiel eskualde valentziarra. Alderdi politikoa Gaztelako aldarrikapen nazionala, hau da, aipatutako erkidego guztien independentzia Espainiarekiko eta haien batasuna Gaztelako estatua eratzeko, eta sozialismoa azpimarratzen ditu. Gaztelar Ezkerraren ekintza-nukleoa Valladolid hirian kokatzen da.

Historia[aldatu | aldatu iturburu kodea]

Gaztelar Ezkerra 2002an Madrilen formalki osatu zen, Izquierda Comunera (gazteleraz, Ezker Komuneroa) Unidad Popular Castellana (gazteleraz, Gaztelar Herri Batasuna) bazegoen erakunde batean; Yesca (euskaraz, Ardagai), antzinan Juventudes Castellanas Revolucionarias (gazteleraz, Gaztelar Gazteria Iraultzaileak) deitutako kolektiboa; Mujeres Castellanas (gazteleraz, Emakume Gaztelarrak) eta Círculo Castellano de Toledo (gazteleraz, Toledoko Zirkulu Gaztelarra). Partido Comunista del Pueblo Castellano (Espainiako Herrien Alderdi Komunistaren Gaztelar sekzioa) Gaztelar Ezkerran sartu zen, baina, geroago, erakundetik atera zen.

Gaztelar Ezkerraren helburua Gaztela batua izatea da, Gaztelar Nazioa bezala deritzen eremua pairatzen duen zatiketa gaindituz. Izan ere, Nazioa bost autonomia erkidegoetan zatituta dago. Bestalde, Gaztela sozialista, burujabea eta errepublikarra lor nahi dute, berea eginez komuneroen ohiturak eta urtero apirilen 23an Villalar de los Comunerosko zelaietan aldarrikatzen dute eskaera hauek. Egun hau ofizialki Gaztela eta Leongo eguna da eta erakunde Gaztelanistetatik batzuetatik Izquierda Castellana edo Tierra Comunera, kasu, Gaztelako Egun Nazionala bezala aldarrikatzen dute.

Internazionalista bezala definitzen da, hainbat askatasun mugimendu nazional sustatzen baititu Euskal Herrikoa, Kataluniakoa, Palestinakoa edo Irlandakoa beti ikuspuntu demokratikotik eta langileria mailaren burujabetzatik. Are gehiago, arrazoi berberak direla eta elkartasuna du Kubarekin eta Latin Amerikan gertatzen ari diren prozesu iraultzaileekin, adibidez, Venezuelan, Bolivian edo Ekuatoren daudenak.

Hauteskundeetan emaitza txikiak izaten ditu: 2003ko autonomia erkidegoetako hauteskundeetan, 621 boto (0,06%) Gaztela-Mantxan, 3.972 boto (0,25%) Gaztela eta Leonen eta 1.119 boto (0,04%) Madrilgo autonomian.

Koalizio gaztelazalea agerpena du Valladoliden, Segovian, Salamancan, Cuencan, Guadalajaran, Ciudad Realen, Palentzian, Burgosen, Madrilen y Toledon.