Izzy Stradlin

Izzy Stradlin
	; Irudi gehiago
Bizitza
Jaiotza	Lafayette (Indiana), 1962ko apirilaren 8a (61 urte)
Herrialdea	Ameriketako Estatu Batuak
Hezkuntza
Heziketa	Jefferson High School (en)
Hizkuntzak	ingelesa
Jarduerak
Jarduerak	gitarra-jotzailea
Kidetza	Guns N' Roses; Hollywood Rose (en)
Izengoitia(k)	Izzy Stradlin
Genero artistikoa	rock
Ahots mota	baritonoa
Musika instrumentua	gitarra
Diskoetxea	Uzi Suicide
	chopaway.com

Izzy Stradlin (Lafayette, Indiana, Estatu Batuak; 1962ko apirilaren 8a) bere benetako izena Jeffrey Dean lsbell da. Gitarra-jotzaile eta musikagilea da. Guns N' Roses taldearen kide izan zen 1985 eta 1991 urteen artean gitarra erritmikoa jotzen. Gero bere taldea sortu zuen Izzy Stradlin & The Ju Ju Hounds eta gaur egun haiekin dago. 2012.urtean Guns N' Roses taldearen kide bezala Rock & Roll Hall of Famean sartu egin zen.

Biografia[aldatu | aldatu iturburu kodea]

Izzy Stradlin Lafayetten (Indiana, Estatu Batuak) jaio zen 1962ko apirilaren 8an. Izzyri txikitatik gustatzen zitzaion musika eta bere talde gogokoenak Aerosmith, Alice Cooper, Led Zeppelin, The Rolling Stones eta Bob Dylan ziren. Baina bere influentzia garrantzitsuena bere amona izan zen, haren lagunekin talde bat zuelako. Izzy bateria jotzen hasi zen baina 21 urterekin gitarra jotzen hasi zen abestiak sortzeko aproposagoa zelako. Institutuan zegoela Guns N' Rosesen taldekidea izango zuen Axl Rose ezagutu zuen.

Karrera[aldatu | aldatu iturburu kodea]

1983-1986: Lehenengo Urteak[aldatu | aldatu iturburu kodea]

Izzy Los Angelesera joan zen eta Axl Rosekin eta Tracii Gunsekin Hollywood Rose taldea sortu zuten. Gero Hollywood Rose eta L.A. Guns batu eta Guns N' Roses sortu zen. Formazioaren aldaketa batzuk eta gero horrela geratu zen taldea: Axl Rose (abeslaria), Slash (gitarra nagusia), Izzy Stradlin (gitarra erritmikoa), Duff McKagan (baxua) eta Steven Adler (bateria).

1987-1991: Guns N' Roses[aldatu | aldatu iturburu kodea]

1987an Guns N' Roses taldeak Appetite for Destruction albuma kaleratu zuen, gaur egun 28 milioi unitate saldu dituena eta mundu osoan arrakasta izan zuena. Izzy taldearen musikagile nagusiena da eta ia abesti guztien konposaketan parte hartzen du. Mr. Brownstone eta Think About You abestiak berak eginak dira.

1988an G N'R Lies albuma kaleratu zen eta Patience abestia Izzyrena da.

1991ren irailean Guns N' Roses taldeak bi album kaleratu zituen batera. Honetan ere abeste askoren konposaketan hatzen du parte. Don't Cry, You Could Be Mine edo Pretty Tied Up abestiak konposatzen ditu berak bakarrik.

Use Your Illusion Tourrean zeudela taldea drogak uzteko terapia egin zuen eta Izzy izan zen utzi zituen bakarra. Izzy bakarrik egiten zituen taldearen bidaiak. Aspertuta zegoen Axlen errespetu faltaz eta taldean zuen lekuarengatik hortaz, taldea uztea erabaki zuen.