Jacob Obrecht
Jacob Obrecht (Bergen-op-Zoom, 1457/58 - Ferrara, 1505) flandriar musikagilea izan zen. Josquin des Prezen aitzindaritzat hartzen da. Errenazimentuko musikan nagusi izan zen frantses-flandriar kontrapuntuzko eta ahozko estiloaren musikagile nagusia da. 1484-1485 urteetan Cambraiko katedraleko kapera-maisu izan zen; ondoren, 1485-1491 urteetan, Brujasko katedraleko kapera-maisu, eta 1492-1496 urteetan, berriz, Anberesko katedralekoa. Denboraldi luzeak eman zituen Italian. Lan ugari utzi zituen: polifonia-kantuak; mezak, gehienak lau ahotsetan; pasioak; ereserkiak eta moteteak. Imitazioa erabili zuen pasarte nagusiak gailentzeko. Obrecht izan zen hileta-elizkizunetan kontrapuntua erabiltzen lehena.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.