James badia

James badiaren aireko argazkia.

James badia (ingelesez James Bay, frantsesez Baie James) Kanadako hego-ekialdeko golkoa da. Hudson badiaren hegoaldean dago, Ontario eta Quebeceko lurraldeek inguratzen dute mendebaletik eta ekialdetik. 450 km inguruko luzera du eta 242 kilometroko zabalera. Uharte asko daude golko honetan (Akimiski, Charlton...), eta ibai askok isurtzen dute ura bertan (Ekwan, Eastmain...).

Quebeceko gobernuak plangintza bat prestatu zuen 1970. urtean golkoaren baliatze egokiari begira (indar hidroelektrikoa La Grande ibaian, besteak beste).

Historia

1610. urtean egon zen Henry Hudson ingeles itsasgizona badia hartan, eta 1631. urtean esploratu zuen Thomas James kapitainak; harengandik datorkio izena.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.