Jan Piarre Soudre
| Datu pertsonalak | ||
|---|---|---|
| Izen osoa | Jan Piarre Soudre Gabarrus | |
| Ezizena | (Ixtilarte-)Larreko | |
| Jaio | 1924ko irailaren 12a | |
 Senpere, Lapurdi (Euskal Herria)
| ||
| Hil | 2013ko otsailaren 7a | |
| Lapurdi (Euskal Herria)
| ||
| Bikotekidea(k) | Kattalin Iriart | |
Jan Piarre Soudre Gabarrus, ezizenez Larreko edo ezizen bera zuen Pablo Fermin Irigarairengandik bereizteko Ixtilarte-Larreko (Senpere, 1924ko irailaren 12 - 2013ko otsailaren 7a[1]) bertsolaria izan zen, lanbidez laboraria.[2].
Biografia
Sei neba-arrebaren artean zaharrena da[3]; Senpereko Ibarrun auzoko Ixtilartean bizi da. Lanbidez laboraria da eta oinarrizko ikasketak ditu. Matxin Irabolaren familiarekin harreman estuak izan ditu.
1958ko irailaren 25ean Mari Kattalin Iriart saratarrarekin ezkondu zen[4]. Sei seme-alaba izan dituzte: Tiburzio, Terexa, Josep, Paxkal, Filipe eta Pettan.
Lanak
Bertsu jarriak egin izan ditu; 100 bat bertso sorta bildu zaizkio eta batez ere Senpereri eta bere lagunei buruzkoak dira[5]; Senpertarrak gare herriko himnoaren egilea da. Liburu bat argitaratu diote:
- Nere pertsuxkak, 1992.
Gaztetan antzezlan bat ere idatzi zuen, Manexen tratua[6].
Sariak
Hauexek dira saritu dituzten Soudreren bertso batzuk:
- Senpere, 1954an Euskaltzaleen Biltzarrak saritua.
- Arotzen manerez, urte berean ohorezko aipamena.
- Axular-i, 1956an Herria aldizkariak saritua.
Omenaldiak
Senperen bi omenaldi egin dizkiote, 1992an eta 1997ko martxoaren 9an.
Ikus, gainera
Erreferentziak
- ↑ Jean-Pierre Soudre 'Larreko' bertsolaria hil da. 2023ko otsailaren 7a. Berria.info
- ↑ Euskaraz horrela idazten du Beñat Soulék bere Ipar Euskal Herriko bertsolariei buruzko lanean. Frantsesez Jean-Pierre Soudre.
- ↑ Franck Dolosor: Senperetik Senpererat, begirada bat XX. mendeari. Elkar, 2009. Ikus 8.or.
- ↑ Beñat Soulé: Neurtizlari Bertsulari Iparraldez, Euskaltzaleen biltzarra-Erroteta, 2011. 227-229. or.
- ↑ Biba Senpertarrak bertsoa Bertsulari.com webgunean.
- ↑ Piarres Lartzabalen hitzaldia Klasikoen Gordailuann.
Kanpo loturak
- Jan Piarre Soudre Bertsulari.com webgunean.