Jan Wildens

Jan Wildens
	; Irudi gehiago
Bizitza
Jaiotza	Anberes, 1586
Herrialdea	Habsburg Netherlands
Heriotza	Anberes, 1653ko urriaren 16a (66/67 urte)
Familia
Ezkontidea(k)	Maria Stappaert (en)
Hezkuntza
Hizkuntzak	nederlandera
Ikaslea(k)	ikusi Hendrick van Balen the Younger (en) ;
Jarduerak
Jarduerak	margolaria eta marrazkilaria
Lantokia(k)	Anberes eta Italia
Lan nabarmenak	ikusi View of Antwerp (en) ;
Kidetza	Anberesko San Lukas artista elkartea
Mugimendua	Barrokoa
Genero artistikoa	paisaia margolaritza

Jan Wildens edo Jan van Wildens (Amberes, 1586 – 1653ko urriaren 16) Flandriako barrokoko margolaria eta marrazkilaria. Bere lan nagusiak paisaiak eta genero-eszenak izan ziren. Rubens margolari ospetsuaren laguntzailea izan zen. Bere lan gehienak beste margolariekin batera egin zituen.^[1]

Biografia[aldatu | aldatu iturburu kodea]

Peter Verhulst margolariarekin ikasi zuen. Wildens 1604an Ambereseko San Lukas gremioan sartu zen maisu gisa. Lehenengo garaian beste margolarien eragina bere lanetan nabaria izan zen: Jan Brueghel Zaharra, Adriaen van Stalbent, Joos de Momper eta Gillis van Coninxloo. 1613an Italiara joan zen eta hurrengo urtean han hamabi grabatuen bilduma plazaratu zuen. Erroman Paul Brilen estilo berritzailea ezagutu zuen. 1616 inguruan, berriro ere Amberesen, Peter Paul Rubensen kolaboratzaile bihurtu zen; bere lan nagusia paisaiak eta gai historikoa zuten margolanen hondoko paisaiak egitea zen. Rubens eta Wildens lagunak izan ziren eta, Wildens ezkondu zenean, Rubens bere aitapontea izan zen; ondoren ere Rubens Helena Fourment-ekin ezkondu zen, Wildensen hiloba politikoa, alegia. Ondoren ere Wildensek beste margolari askorentzako paisaiak margotu zituen, besteak beste, Jacob Jordaens, Frans Snyders, Cornelis Schut, Abraham Janssens, Cornelis de Vos, Gerard Seghers eta Theodoor Rombouts. Izan zuen arrakasta ikusita bere ere paisaiak margotzera animatu zen. Dena dela, Wildensen lan gehienak beste margolarien lanetan aurkitu behar ditugu; horietako asko Andries Stock, Hendrick Hondius eta Jacob Matham irarleek estanpak moduan plazaratu zituzten.^[2]