Jaroslavl

Armarria

Jaroslavl Errusiako Errepublikako mendebaleko hiria eta izen bereko lurraldeko hiriburua da. Moskutik 282 km-ra, ipar-ekialdera, dago. 606.336 biztanle ditu (2009).

Geografia

Volga ibaiaren ertzean dago.

Historia

Jaroslav Jakintsua printzeak sortu zuen hiria 1026. urtean. Printzerri independente bateko hiriburua izan zen 1218tik 1471ra bitarteko urteetan, Moskuko tsarraren mende geratu arte. Hiri oparoa izan zen XVI. mendetik aurrera, lotura zuzena baitzuen Moskuko hiriarekin, Volga ibaian barrena. Han antolatu zen XVIII. mendean Errusiako ehundegi nagusia (1722), eta industria-hiri oparoa izan zen mende hartan.

Ekonomia

Industria-hiria da (petrolio-industria, mekanika eta ehungintza). Unibertsitatea badu.

Ondasun nabarmenak

Aipagarriak dira katedrala (XVI. m.), eliza zaharrak (XVII. m.), Errusiako lehen antzoki publikoa (1750) eta museoak.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.