Jascha Heifetz

Jascha Heifetz (Vilnius, 1901eko otsailaren 2a - Los Angeles, 1987ko abenduaren 10a) estatubatuar biolin-jotzailea izan zen, lituaniarra jatorriz. Lehen kontzertua eman zuenetik haren jotzeko moldea eredu izan zen gainerako biolin-jotzaileentzat. Biolinerako idatzitako pieza nagusi ia guztiak grabatu zituen, eta arrakasta handiko moldaketak egin zituen. Gaur egungo musikagileen hainbat lan berak jo zituen lehenengoz. Ume-umetatik hasi zen biolina jotzen. Besteak beste, Leopold Auer irakasle ospetsuarekin ikasi zuen, San Petersburgon, Errusian. Hamahiru urte zituela egin zuen debuta, Berlinen, eta haren ospea mundu osora zabaldu zen. Errusiako Iraultzan Estatu Batuetara joan zen, eta hango herritartasuna hartu zuen 1925ean.

Erreferentziak

Wikimedia Commonsen badira fitxategi gehiago, gai hau dutenak: Jascha Heifetz

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q243472
Multimedia: Jascha Heifetz / Q243472