Done Sebasti baseliza (Bidankoze)

Done Petri eliza
Kokapena
Herrialdea	Euskal Herria
Probintzia	Nafarroa Garaia
Udalerria	Bidankoze
Koordenatuak	42°48′N 1°01′W / 42.8°N 1.01°W

Done Sebasti eliza (Xasokuntzeko baseliza ere esaten zaio) Erronkariko ibaxako Bidankoze udalerrian XII. mendeko kristiau baseliza bat da, erromaniko estiloan.

Kokalekua[aldatu | aldatu iturburu kodea]

Herrigunearen sarreran baina harengandik kanpo dago, Igari eta Burgi udalerrietatik datozen bi errepideak bat egiten duten lekuan.

Historia[aldatu | aldatu iturburu kodea]

XII. mendean eraiki zen. Gaur egun Bidankoze udalerrian dagoen lekuan Erdi Aroan izen berdineko bi herri omen zeuden (1178an Bidangoz et Bidangoiz; 1197an Bidangoz et Bidangoz), eta baseliza hau jada desagertua dagoen herri horretako azken aztarna litzateke.

Eraikina[aldatu | aldatu iturburu kodea]

Nafarroako eraikuntza erlijiosoen nekazal ezaugarri berak mantentzen dituena. Itxura xume eta neurri apaletako tenplua da.

Zirkuluerdi itxurako absidea eta erdi puntuko arkudun atea dauzka. Bi ataletako nabe bakarra eta erdi puntuko bi bao ditu, bai eta atariko tinpano txiki guztia hartzen duen krismoia, hura ere xume eta antzinakoa.