Jasone Osoro
| Jasone Osoro | |||
|---|---|---|---|
 | |||
| |||
| Bizitza | |||
| Jaiotza | Elgoibar, 1971ko abuztuaren 12a (52 urte) | ||
| Herrialdea |  Gipuzkoa, Euskal Herria | ||
| Hezkuntza | |||
| Heziketa | Euskal Herriko Unibertsitatea : Informazioaren zientzia | ||
| Hizkuntzak | euskara gaztelania Erronkariera | ||
| Jarduerak | |||
| Jarduerak | idazlea, kazetaria eta gidoilaria | ||
 | |||
Jasone Osoro Igartua (Elgoibar, Gipuzkoa, 1971ko abuztuaren 12a - ) euskal idazlea da. Kazetaria da ikasketaz eta prentsan ez ezik, telebistan ere aritu izan da gidoigile.[1][2][3]
Biografia[aldatu | aldatu iturburu kodea]
EHUn Informazio Zientzietan lizentziaduna da eta ondoren, Zine Gidoigintzari buruzko gradu-ostekoa egin zuen Bartzelonan.[4]
1994 eta 1999 artean, Elgoibarko Barren herriko aldizkarian erredaktore lanetan aritu zen. 1996tik 1998ra, Elgoibarko Izarra kultur elkarteko Laiotz literatur aldizkariaren koordinatzailea izan zen, eta 1997an argitaratutako Elgoibarko baserriak gida idatzi zuen.
1998an, Tentazioak (Elkarlanean) kontakizun-liburua, Isadora Duncan (Elkarlanean) dantzariaren biografia eta Mendekua ipuina argitaratu zituen Txalapartak argitaratutako Euskal idazleen ipuin erotikoak bilduman. Beste ipuin-bilduma batzuetan ere parte hartu du, hala nola Gutiziak (2000, Txalaparta) edo Bakarrizketak (2001, Alberdania).[4]
2000. urtean, Beasaingo Udalak eta CAF enpresak sortutako egile berrientzako Igartza Sarian akzesit bat irabazi zuen. Beka merezi zuen lana Korapiloak (Elkar, 2001) izenburuarekin argitaratu zen, hamazazpi narrazio labur eta beste hainbeste poemarekin.[4]
2001ean, Jara, 2005ean Jara, bikiak eta bikoteak, 2007an Jara Bartzelonan eta 2010en Jara live liburuetan berriz ere parte hartu zuen pertsonaiaren lehen liburua argitaratu zuen, gazteei zuzendutakoa.[5] 2003an idatzi zuen helduentzako lehen eleberria: Greta. Bi marra arrosa (Txalaparta, 2009) lanean, bere lehen haurdunaldiaren kronika egin zuen.[6] 2015ean, 12etan bermuta eleberria argitaratu zuen.[7]
Gidoilari lanetan aritu da Euskal Telebistako saioetan, besteak beste, Goenkale eta Hasiberriak, Wazemank eta Horrelakoa da bizitza saioetan. 1999. urteaz geroztik, hainbat egunkaritan zutabegile lanak egiten ditu, besteak beste, El Diario Vasco eta Gara egunkarietan. Berbak zuzentzen du, literatura- eta kazetaritza-zerbitzuak eskaintzen dituen enpresa.[4]
2014ko otsailetik 2018ko martxora arte Euskal Idazleen Elkarteko lehendakaria izan zen.
Lanak[aldatu | aldatu iturburu kodea]
Narrazioa[aldatu | aldatu iturburu kodea]
- Tentazioak (1998, Elkar)
- Korapiloak (2001, Elkar)
Nobela[aldatu | aldatu iturburu kodea]
- Greta (2003, Elkar)
- Bi marra arrosa (2009, Txalaparta)
- 12etan bermuta (2015, Elkar), Augustin Zubikarai Sariaren irabazlea.
Saiakera[aldatu | aldatu iturburu kodea]
- Arrakasta (2023)[8]
Haur eta gazte literatura[aldatu | aldatu iturburu kodea]
- Jara (2001, Alfaguara-Zubia)
- Nora eta otsoak (2002, Baigorri)
- Jara, bikiak eta bikoteak (2005, Alfaguara-Zubia)
- Jara Bartzelonan (2007, Alfaguara-Zubia)
- Ezekiel (2009, Elkarlanean)
- Jara live (2010, Alfaguara-Zubia)
- Ezekiel nora ezean (2012, Elkar)
- Titiriteroen ipuina Braulio lehoiaren ipuina (2012, Urtxintxa)
- Muma manua (2014, Ibaizabal)
- Eskularru beltzak (2017, Elkar)
- Casting-a (2017, Elkar)
- Ikasbidaia (2018, Elkar)
Biografia[aldatu | aldatu iturburu kodea]
- Isadora Duncan (1998, Elkar)
Gida-liburua[aldatu | aldatu iturburu kodea]
- Elgoibarko baserriak (1997, Debemen)
Sariak[aldatu | aldatu iturburu kodea]
- Zazpi-kale (Tentazioak, 1998)
- Igartza Saria (Korapiloak, 1999, akzesita)
- Zilarrezko Euskadi saria (Korapiloak, 2001)
- Augustin Zubikarai Saria (12etan bermuta, 2015)
- Ezekiel Etxeberria (Jara, 2018)
- Juul (Jara, Ezekiel, Eskularru beltzak)
- Liburu gaztea (Ezekiel)
Aintzatespenak[aldatu | aldatu iturburu kodea]
- 2024ko apirilaren 11n Azkoitiko Geure Gelatik liburu azokak omenaldia egin zion, gazte literaturan egindako ibilbide oparoa aitortzeko.[9]
Bibliografia[aldatu | aldatu iturburu kodea]
- Zubeldia, Iñaki: Jasone Osoro, gazteek biziki estimatzen duten idazlea. - Egan, 2012-1/2, 227-243.
- La intimidad, esa bomba. Itxaro Borda[10]
Erreferentzia[aldatu | aldatu iturburu kodea]
- ↑ * (Gaztelaniaz) Iker González-Allende eta L. Elena Delgado. «Deshaciendo los nudos: Fetichismo y feminidad en la obra de Jasone Osoro». Bulletin of Spanish Studies 86.5 (2009): 653-673. orrialdeak.
- ↑ (Gaztelaniaz) Iker González-Allende. «"Yo vivo en euskara, no como defensa, no como arma, sino como una manera de ser": Conversación con la escritora Jasone Osoro». Arizona Journal of Hispanic Cultural Studies 12 (2008): 203-217. orrialdeak.
- ↑ Elkarrizketa: Zaurgarri agertzeak indartsu egin nau Berria, 2024.04.11
- ↑ a b c d «Jasone Osoro Igartua» Euskomedia.
- ↑ (Gaztelaniaz) Larrauri, Eva. (2005/06/10). «Jasone Osoro crea "imágenes con palabras" para sus lectores jóvenes» El País.
- ↑ «Bi marra arrosa, el testimonio de Jasone Osoro» Hiru.
- ↑ «Jasone Osoro Igartua» Euskal Idazleen Elkartea.
- ↑ SA, Baigorri Argitaletxea. (2023-10-31). «Jasone Osorok bere lehen saiakera liburua aurkeztu du, «Arrakasta»» GARA (Noiz kontsultatua: 2023-11-06).
- ↑ ««Zaurgarri agertzeak indartsu egin nau»» Berria 2024-04-11 (Noiz kontsultatua: 2024-04-11).
- ↑ «La intimidad, esa bomba» 452 °F: Revista de Teoría de la Literatura y Literatura Comparada, ISSN-e 2013-3294,9. zkia, 2013, 42-55 orr..
Kanpo estekak[aldatu | aldatu iturburu kodea]
- «Jasone Osoro», Literaturaren Zubitegia.
- Jasone Osororen webgune ofiziala
| Autoritate kontrola |
|
|---|
Datuak: Q12260208