Jean-Antoine Houdon
 Houdonen estatua Versaillesen | ||
| Datu pertsonalak | ||
|---|---|---|
| Izen osoa | Jean-Antoine Houdon | |
| Jaio | 1741eko martxoaren 25a | |
| Versailles (Frantzia) | ||
| Hil | 1828ko uztailaren 15a | |
| Paris (Frantzia) | ||
Jean-Antoine Houdon (Versailles, 1741eko martxoaren 25a - Paris, 1828ko uztailaren 15a) frantziar eskultorea izan zen.
Gazte-gaztetatik hasi zen eskultura ikasten. 1761ean Erroma saria irabazi zuen, eta hango Eskola Frantsesean egon zen 1764etik 1768ra. Eskultura klasikoak eta Errenazimentukoak erakarririk, klasikoen kopiak egin eta anatomia ikasteari ekin zion buru-belarri. Ordukoak dira Larrutua eta San Bruno (1767). Parisera itzulirik, estatua mitologikoak eta alegorikoak egin zituen: Diana (1780), Negua (1783), Uda (1785). Aipagarriak dira erretratu finak, modeloen banakotasun eta nortasun sakona agerrarazten dutenak: Katalina II.a Errusiakoa (1773); Diderot (1775); Gluck (1775); Benjamin Franklin (1778); Rousseau (1778); Voltaire, eseria eta molde klasikoan jantzia, (1781); La Fontaine (1783); Washington (1785); Mirabeau (1791); Napoleon (1806). Busto asko egin zituen, ez denak bikainak, ordea. Aipagarriena Voltairerena da, Komedia Frantseserako egina.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
 |
Wikimedia Commonsen badira fitxategi gehiago, gai hau dutenak: Jean-Antoine Houdon  |