Jean-Pierre Papin

Wikipedia(e)tik
Hona jo: nabigazioa, Bilatu
Jean-Pierre Papin (2006).

Jean-Pierre Papin (Boulogne-sur-Mer, Frantzia, 1963ko azaroaren 5a) frantses futbol-jokalaria da

Biografia[aldatu | aldatu iturburu kodea]

INF Vichy taldean hasi zen jokatzen, eta Valenciennesen gero, Frantziako Bigarren Mailan. 1985ean, Brugge taldeak hartu zuen, eta Belgikako Kopa irabazi zuen hurrengo urtean. 1986an, Olympique de Marseille taldeak fitxatu zuen, eta talde harekin Frantziako Txapelketako lau titulu irabazi zituen segidan (1989-1992), eta Frantziako Kopa bat (1989). Frantziako golegile nagusia izan zen bost urtez jarraian.

1992an, AC Milanek fitxatu zuen, eta Italiako bi liga irabazi zituen talde horrekin (1993 eta 1994), besteak beste, Marco van Basten eta Franco Baresi jokalariekin. 1994an, Alemaniara joan zen, Bayern Munichekoa taldean jokatzera, Lothar Matthäusekin, besteak beste. Talde harekin, 1996ko UEFAko Kopa irabazi zuen. Urte hartan bertan, Frantziara itzuli zen, Bordeleko Girondins taldean jokatzera. Europako Kopako bi finaletan parte hartu zuen (1991 eta 1993an), baina ez zuen behin ere irabazi. 1991n, Europako jokalari onena izendatu zuten.

Nazioarteko 48 partida jokatu zituen Frantziako selekzioarekin, eta 30 gol sartu zituen. 1986an, Mexikoko Munduko Txapelketan, Frantziako selekzioa hirugarren geratu zen.

Futbol profesionala utzi eta gero, entrenatzaile izan zen zenbait urtean, eta telebista eta irratiko esatari-lanetan ere aritu da.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Jean-Pierre Papin Aldatu lotura Wikidatan