Jean León Bastres

Jean León Bastres
Bizitza
Jaiotza	Senpere, 1832ko martxoaren 18a
Herrialdea	Lapurdi, Euskal Herria
Heriotza	Idiazabal, 1904ko martxoaren 7a (71 urte)
Hezkuntza
Hizkuntzak	gaztelania
Jarduerak
Jarduerak	apaiza
Izengoitia(k)	Aita Agustin Bastres

Jean León Bastres (erlijio-izena: Aita Agustin Bastres; Senpere, 1832ko martxoaren 18a - Idiazabal, 1904ko martxoaren 7a) Belokeko monasterio beneditarren sortzailea izan zen.

1856. urtean apaiz egin zen. 1874. urtean Jean Leónek beste fraide batzuekin batera, Bastidako baserri bat hartu zuen, geroago Belokeko monasterio beneditarra izango zena. 1888. urtean Belokeko monasterioa abade-etxe bihurtutakoan, Bastres abade izendatu zuten. Ahurtin Santa Eskolastikako beneditarren fundazioa sortu zuen (1883); Pauen San Leon zaharren egoitza (1895); 1899ean «Mission Palestinienne» delakoan Lurralde Santura jo zuen, eta urte berean Argentinako «Niño Dios» erakundearen ardura hartu zuen. Belokera itzuli zenean oso egoera txarrean aurkitu zuen monasterioa, Barne-arazoetako ministerioak beneditarren kongregazioa 15 egunetan deuseztatzeko agindua emana baitzuen. Mehatxuak lur jota utzi zuen Bastres. Monasterioko fundatzaileek Amerikara jo bazuten ere, Bastres ez zen Euskal Herritik atera. 1904. urtean hil eta bere gorpua Lazkaora eraman zuten. Hogei urte geroago fraideak Belokeko monasteriora itzuli ziren, Bastresen gorpua beraiekin eramanez.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q12260311