Jesus Gartzia Leoz

Jesus Gartzia Leoz (Erriberri, 1904ko urtarrilaren 10a - Madril, 1953ko otsailaren 23a) Nafarroako musikagilea izan zen.

Iruñean eta Madrilen egin zituen piano-, harmonia- eta konposizio-ikasketak. Obra nagusiak: Cuarteto en Fa sostenido menor, Cuarteto en La menor, La duquesa del candil (zarzuela), Sinfonia en La bemol mayor, La zapatera y el embozado (balleta), etab. Zinemarako lan asko egin ditu; ehunen bat film daude Jesús García Leozen musika dutenak: Abel Sánchez, Esa pareja feliz, Bienvenido, Mister Marshall, El Abanderado, Eugenia de Montijo, Inquietudes de Shanti Andia horien artean.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.