Jesús Fernández Santos
Jesús Fernández Santos (Madril, Espainia, 1926 - León, Espainia, 1988) espainiar eleberrigile, zinema-zuzendari eta gidoigilea izan zen.
Biografia
Bere lanaren ezaugarri nagusia errealismo objektiborako joera izan zen.
Los Bravos (1954) eleberria izan zen, kritikarien esanetan, bere garaiko eleberrigileen belaunaldiaren lehen adierazpenetako bat. Belaunaldi horretako kide ziren, besteak beste, Rafael Sánchez Ferlosio, Ana María Matute, Ignacio Aldecoa eta Juan Goytisolo.
Lanik aipagarrienen artean ditu honako hauek: La hoguera (1957); Cabeza rapada (1958, ipuinak); Laberintos (1964) eta El hombre de los santos (1969). 1982an, Planeta saria irabazi zuen Jaque a la dama lanarekin.
Kanpo lotura
- (Gaztelaniaz) www.jesusfernandezsantos.es webgunea
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.