Joan Perucho

Katalan idazlea (Bartzelona, 1920 - 2003). Poesia eta kontakizuna landu zituen bereziki. Abangoardiako poesia idatzi zuen, eta kontakizunetan fantasiazko gaiak erabili zituen batez ere. Kontakizunetan Gandesako eskualdea eta hango elezahar eta ohiturak azaldu zituen, sarritan. Peruchoren lanak hamazazpi hizkuntza baino gehiagotara itzuli dira. Lan aipagarrienak: Sota la sang (1947, Odol azpian), Llibre de caballeries (1957, Zalduntza-liburua), La guerra de Cotxinxina, (1986, Kotxintxinako gerra), Els emperadors d´Abissínia, (1989, Abisiniako enperadoreak), Els mirals (1986, Ispiluak) artikulu-bilduma. Espainiako Letren Sari Nazionala eman zioten 2002an.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.