Joanes III.a Nafarroakoa

Joanes III.a Nafarroakoa
Nafarroako errege de iure uxoris
1484 – 1516
Norekin	Katalina I.a
Aurrekoa	Katalina I.a
Ondorengoa	Henrike II.a
Albreteko jauna
1481 – 1516
Aurrekoa	Alain I.a
Ondorengoa	Henrike I.a
Jaiotza	1469
Heriotza	1516ko ekainaren 14 Paue
Ezkontidea	Katalina Foixkoa
Egoitza	Iruñea Behe Nafarroa
Erlijioa	Kristau katolikoa

Joanes III.a Nafarroakoa edo Joanes Albretekoa (1469 – Paue, 1516ko ekainaren 14) Nafarroako erregea de iure uxoris (1484-1516), Périgordeko konde (1481-1516), Limogesko bizkonde (1481-1516) eta Tartasko bizkonde izan zen.

Biografia

1484an Katalina Foixkoa (1470-1517) ezkondu zuenean, Nafarroako errege, Montblanc, Peñafiel eta Gandiako duke, Foix, Bigorre eta Ribagortzako konde eta Bearnoko bizkonde de iure uxoris bihurtu zen, 1483an Frantzisko Febus koinata hil zelako.

Joanes eta Katalinak, ama-erregina Maddalen Frantziakoaren laguntza zutenak, Narbonako bizkonde eta Katalinaren osaba zen Joanes Foixkoa borrokatu behar izan zuten, honek Lege Salikoa zela eta, Nafarroako errege izan nahi zuelako. Honek Nafarroako Gerra Zibila hamar urtez berpiztu zuen, 1497ko irailaren 7an Aturben bakea sinatu arte. Katalina eta Joanes Iruñeko katedralean 1494ko urtarrilaren 10ean koroatuak izan ziren. Joanes Foixekoak Nafarroa bereganatu ezin zuenez, Germana alabaren bitartez eskuratu nahi zuen.

1512an, Fernando II.a Aragoikoak, bere bigarren emaztea Germana Foixkoa erreginaren lehengusina zena, Joanes mendean hartu zuen. Nafarroa Garaia, Gaztelako Erresumak konkistatua zen eta Espainiako erregeek "Nafarroako errege" titulua erabili zuten 1833 arte.

Behe Nafarroa Joanes eta bere oinordekoen eskuetan geratu zen, geroz eta gehiago Frantziako eraginpean. Henrike III.a Nafarroakoak "Frantzia eta Nafarroako errege" izendapena hartu zuen, Frantziako Iraultzan monarkia ezeztu zen arte.

Pauen 1516ko ekainaren 14an hil zen eta Leskarreko katedralean lurperatu zuten.

Familia

Aita Alain I.a Albretekoa, Albreteko jauna, eta ama Frantziska Châtillon-Limogeskoa zituen. Aitaren partetik Joanes II.a Frantziakoa eta Joana Nafarroakoa, Ingalaterrako erregina zituen arbasoak.

Aitona Joanes I.a Tartaseko bizkondea	Amona Katalina Rohangoa	Aitona Gilen I.a Limogesko bizkondea	Amona Ixabel Alberniakoa
Aita Alain I.a Albreteko jauna		Ama Frantziska Châtillongoa
Joanes III.a Nafarroako erregea de iure uxoris

Ezkontza eta haurrak

1484ko ekainaren 14an Orthezen, Joanesek Katalina Foixkoa ezkondu zuen. Hamaika haur izan zituzten:

• Ana (1492-1532), Astarakako Joanes kondearekin ezkondua.
• Madalena (1494-1504).
• Katalina (1495-1532), erlijioan sartuta.
• Kiteri (1499-?), erlijioan sartuta.
• Ander Febus (1501-1503), Bianako Printzea, haurtzaroan hila.
• Henrike II.a (1503-1555), Nafarroako erregea.
• Frantzisko (1504-1512), Nafarroako infantea.
• Martin Febus (1507-1508).
• Karlos (1510-1528), Nafarroako infantea, Italian gerrako espea hilda.
• Elisabet (1514-?), Rohango Renato I.a bizkondearekin ezkondua (1536).

Bibliografia

• Rafael Altamira, Spagna, 1412-1516, Garzanti, 1999.
• Charles Petit-Dutaillis, Francia: Luigi XI, Garzanti, 1999.
• José Maria Lacarra, Historia política del reino de Navarra, desde sus orígenes hasta su incorporación a Castilla, Iruñea, 1972-1973.
• Crescencio Gallego Pellitero, Síntesis histórica de los reyes en España (Años 364-1994), Vigo, 1994.

Kanpo loturak

• (Ingelesez) Nafarroako erregeen genealogia
• (Ingelesez) Arbasoak

Ikus, gainera

• Nafarroako errege-erreginen zerrenda

Aurrekoa Katalina I.a

Nafarroako erregea

Ondorengoa Henrike II.a