Johann Jakob Froberger
Wikipedia(e)tik
Johann Jakob Froberger (Stuttgart, Württemberg, Germaniako Erromatar Inperio Santua, 1616ko maiatzaren 19an bataiatua - Héricourt, Franche-Comté, Germaniako Erromatar Inperio Santua, 1667ko maiatzaren 7a) alemaniar musikaria izan zen.
Biografia [aldatu]
Stuttgarten hasi zen musika ikasten aitarekin, koru-zuzendari baitzen hiriko gortean. Europako hiriburu askotan izan zen. Erroman (1637-1641) Frescobaldiren ikasle izan zen, eta Vienako gortean (1645) organo-jotzaile.
Bizi zela ez zen bere obrarik argitara eman, baina eragin nabarmena izan zuen bere mendeko musikan, eta ondoren, Bachenean eta Händelenean, adibidez. Italiako, Frantziako eta Alemaniako estiloak bateratuz, organorako eta klabezinerako pieza jakingarriak utzi zituen.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
