John Wilkinson

John Wilkinson ingeles industria-gizona izan zen (Clifton, Cumberland, 1728 - Bradley, Staffordshire, 1808). Metalurgiako lantegi bat sortu zuen, eta han erabili ziren lehen aldiz metalurgiako teknika berriak. Bestalde, burdinazko ontzi bat sortu zuen, gobernuarentzat egiten zituen armak garraiatzeko. Horretaz gainera, burdina zulatzeko tresna bat asmatu zuen, zilindroak eta kanoiak zehaztasun osoz zulatzen zituena. Tresna hura oinarri-oinarrizkoa gertatu zen Watten lurrun-lokomotorra egiteko.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.