Jokin Mujika

Jokin Mujika

Informazio pertsonala
Izena	Jokin Mujika Aranburu
Jaiotza data	1962ko abuztuaren 22a
Jaiotza herria	Itsasondo
Jaiotza herrialdea	Gipuzkoa
Kirol informazioa
Modalitatea	Errepidea / ziklo-kross
Rola	Txirrindularia
Trebetasuna	Guztiak
Profesional taldea(k)
1984-1986 1987-1989 1990-1991 1992 1993-1996	Orbea Caja Rural Banesto Artiach Orbea
Garaipen nagusiak
Galiziako Itzulia (1987) Eibarko Bizikleta (1988)

Jokin Mujika Aranburu (Itsasondo, Gipuzkoa, 1962ko abuztuaren 22a -) euskal txirrindulari ohia da.

Ibilbidea

Etorkizun oparoko txirrindularia izan zen errepideko txirrindularitza zein ziklo-krossean. Gaztetan, ziklo-krosseko Espainiako txapelduna bitan eta munduko txapeldunordea izan zen, errepideko txirrindularitzan berriz, Espainiako txapelduna izan zen. 1981an eroriko bat izan zuen eta garezurra hautsi zuen, ondorioz hamar egun eman zuen ospitalean. Handik gutxira, soldadutza egitera deitu zioten, eta txirrindularitza utzi behar izan zuen aldi baterako.

1984an profesionaletara pasatu zen eta Orbea, Caja Rural, Banesto eta Artiach taldeetan lehiatu zuen.

Profesionaleko azken urteetan errepideko txirrindularitza utzi zuen eta ziklo-krossean lehiatzen jarraitu zuen. Azkenik, mendiko bizikleta modalitatera pasatu zen eta 1996ko Atlantako Joko Olinpikoetan parte hartu zuen.

Palmaresa

1984 Galiziako Itzuliko etapa bat. Cuprosan Sari Nagusia. 1985 Cuprosan Sari Nagusia. Kataluniako Voltako tarteko helmugen saria. 1986 Etorkizuneko Tourreko etapa bat. Bilboko Sari Nagusia 1987 Galiziako Itzulia Zizurkilgo Sari Nagusia

1988 Arrateko Igoera Euskal Bizikleta 3. postua Errepideko Txirrindularitzako Espainiako Txapelketan. 1989 Mendateen Klasika 1992 2. postua Ziklo-krosseko Espainiako Txapelketan 1993 Ziklo-krosseko Espainiako Txapelketa 1994 Ziklo-krosseko Espainiako Txapelketa 1996 Ziklo-krosseko Espainiako Txapelketa

Emaitzak lasterketa nagusietan

Lasterketa	1984	1985	1986	1987	1988	1989	1990	1991	1992	1993	1994	1995	1996
Italiako Giroa	-	-	-	11.a	-	19.a	-	-	-	-	-	-	-
Frantziako Tourra	-	45.a	30.a	41.a	63.a	78.a	-	-	-	-	-	-	-
Espainiako Vuelta	49.a	43.a	76.a	-	14.a	-	62.a	Utzi	-	-	-	-	-
Txirrindularitzako Munduko Txapelketak (*)	-	-	11.a	-	-	-	-	-	-	-	-	40.a	-

(*) Ziklo-krossean

Taldeak

• Orbea (1984)
• MG-Orbea (1985)
• Seat-Orbea (1986)
• Caja Rural-Orbea (1987-1989)
• Caja Rural-Paternina (1989)
• Banesto (1990-1991)
• Artiach (1992)
• Orbea (1993-1996)