Jon Martin Etxebeste
Jon Martin Etxebeste (Oiartzun, Gipuzkoa, 1981eko urriaren 16) bertsolaria eta idazlea da. Kazetari eta gidoilari lanetan jarduten du Publizitatea eta Harreman Publikoan lizentziatua den pertsona honek.
Literatura
'Ero' izeneko liburua argitaratu zuen 2008an. Erotasunari eta erokeriari buruzko 19 ipuin biltzen ditu Elkar argitaletxeko liburuak. 2007ko Igartza Saria irabazi izanaren ondorio izan zen liburu hau. 'Habana' liburua ere kalean du, Gero argitaletxearekin. 'Prakamotxetan' eta 'Bakoitzari berea' bertso-bildumetan erradaktore lanak egin ditu.
Bertsolaritza
Gipuzkoako azken bi bertsolari txapelketatan txapeldunorde eta hirugarren geratu da. 2005eko Euskal Herriko txapelketan finalerdietara iritsi zen, bai eta 2009an ere.
Txapeldun
- 1995eko Euskal Herriko Eskolarteko Bertsolari Txapelketa
- 1994ko Gipuzkoako Eskolarteko Bertsolari Txapelketa (Txikitan)
- 1997ko Gipuzkoako Eskolarteko Bertsolari Txapelketa
- 2003ko Abra saria.
Finalista
- 1995eko Gipuzkoako Eskolarteko Bertsolari Txapelketa
- 1996ko Gipuzkoako Eskolarteko Bertsolari Txapelketa
- 1998ko Gipuzkoako Eskolarteko Bertsolari Txapelketa
- 1999ko Gipuzkoako Herriarteko Bertsolari Txapelketa: final-laurdenak. (Taldeka: Juanito Mitxelena eta Arkaitz Goikoetxea)
- 2003ko Gipuzkoako Bertsolari Txapelketa: bigarren.
- 2007ko Gipuzkoako Bertsolari Txapelketa: hirugarren.
Diskografia
- "Moskutik Lezotira". (Oiartzungo bertso-eskola eta "Bakardadeak" abestia).
- "Euskararen itotiyak". "Pianojolearena" abestia