Joruba

Nigeriako Kwara estatuko danborrariak

Joruba etnia (joruberaz, Yorùbá) Mendebaldeko Afrikako etnia handienetako bat da. Joruba gehienek jorubera (joruberaz èdè Yorùbá) hitz egiten dute. Jorubak 30 - 50 milioi gizabanako dira. Mendebaldeko Afrika osoan, eta batik bat Nigerian bizi dira, nigeriarren % 21 inguru baitira joruba etniakoak. Joruben berezko lurraldea Joruba Herria da (joruberaz Ìlẹ-Yorùbá), eta eremu hau hartzen du: Nigeriako hego-mendebaldea, Beningo hegoaldea eta Togoko ekialdea.