José Napoleón Duarte

Wikipedia(e)tik
Hona jo: nabigazioa, Bilatu
1=At a Christian Democratic Party press conference during the Salvadoran war (1982). Photo by Gary Mark Smith.
José Napoleón Duarte

José Napoleón Duarte El Salvadorko politikari eskuindarra izan zen (San Salvador, 1920 - San Salvador, 1989). 1980an El Salvadorko lehendakari aukeratu zuten, Alderdi Kristau Demokratak bultzatuta eta armadaren laguntzaz. Bere agintaldian Frente Farabundo Martí para la Liberación Nacional (FMLN) gerrillaren aurkako borroka indartu zen, eta Estatu Batuetan prestaturiko nekazaritzaren erreforma bat gauzatzen saiatu zen. Neurri horiek ez zuten emaitza onik izan: gerrillaren aurkako gerran, Estatu Batuek lagunduriko El Salvadorko armadak ez zuen inolako garaipenik lortu; herritarren artean milaka lagun hil eta erbesteratu behar izan zuten, eta bertako oligarkiak ezezko biribila eman zien Duarteren gobernuak proposaturiko berrikuntza txikiei. 1984an hasi zen gerrillarekin hitz egin nahian, baina politika ezertan ere aldatu gabe. Ondoko lehendakariak, eskuin-muturreko ARENA alderdiko Cristianik (1989), gerrillarekin negoziatu behar izan du, Duarteren bide beretik hasi bazen ere (1991ko Abenduko Bakea).


Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: José Napoleón Duarte Aldatu lotura Wikidatan