Jose Maria Knörr

Jose Maria Knörr
Bizitza
Jaiotzako izen-deiturak	José María Knörr y Elorza
Jaiotza	Gasteiz, 1916ko abenduaren 14a
Herrialdea	Araba, Euskal Herria
Heriotza	Gasteiz, 2012ko maiatzaren 28a (95 urte)
Hobiratze lekua	Santa Isabel hilerria
Familia
Familia	ikusi Román Knörr Borràs (iloba) Henrike Knörr (iloba) Gorka Knörr Borràs (iloba)
Hezkuntza
Hizkuntzak	gaztelania
Jarduerak
Jarduerak	enpresaburua

Jose Maria Knörr Elorza (1916ko abenduaren 14a, Gasteiz, Araba – 2012ko maiatzaren 28a, Gasteiz, Araba) euskal enpresaburu bat izan zen. Kas freskagarri enpresaren sortzailea izan zen.

Biografia

Isabel Elorza Uzkudun eta Roman Knörr Ortiz de Urbinaren semea izan zen. Familiaren negozioa zen Gasteizko La Sucursal freskagarri enpresaren nagusi bilakatu eta bere aitonarengandik zetorren freskagarri sortzaileen usadioari jarraipena eman zion.

1920an Roman Knorr aitak Gasteiz hirian La Esperanza garagardo lantegia ireki eta 1927an As gaseosa ekoizteari ekin zion. Haren heriotzaren ondoren, seme-alabek hartu zuten negozioa, eta 1954an, Jose Maria Knorren gidaritzapean, laranja zuku kontzentratua ur karbonatuarekin nahasten hasi ziren. Kas sortu zen orduan, Coca-Colari eta AEBetik etortzen ziren edari freskagarri berriei lehia egingo zien Arabako freskagarria.

Arrakastak bultzatuta, familiak negozioa zabaldu zuen. Hedapen horretan 1971an Banco Industrial de Bilbaori akzioen %5 saldu izateak lagundu zion, eta hurrengo urteetan banketxe haren ondorengoak izan ziren Banco de Bilbaok eta BBVk freskagarri enpresaren parte hartze handiagoak hartu zituzten. 1992an BBVek freskagarri enpresa Pepsicori estatubatuar enpresari saldu zion. Pepsicok Kas freskagarria Mexikon nolabaiteko arrakastaz hedatzea lortu du, ez aldiz Argentina edo Brasilen.

Bera eta Maria Blanca de las Heras Sánchez, eta zortzi seme-alaba izan zituzten: José Maria, Blanca, Ignacio, Isabel, Javier, Cristina, Juan Manuel eta Alfredo.

Ikus gainera

• Kas

Erreferentziak

• Datuak: Q11315209