Joseba Lakarra

Joseba Andoni Lakarra Andrinua (Arratzu, 1962-) euskararen historian espezializatutako euskalaria da, eta bereziki aitzineuskara ikertzen nabarmendu da. Euskal Herriko Unibertsitateko (EHU) Filologia eta Geografia-Historiako fakultateko dekano izan zen (2004). Euskaltzain osoa, 2009ko maiatzaren 30az geroztik. Euskal Filologian doktorea eta katedraduna. EHUn, Gasteizko Filologia eta Historia fakultatean, euskararen diakronia gaietako irakaslea. Euskararen historiako hainbat alderdi ikertzen duen Monumenta Linguae Vasconum ikerketa taldearen buru da. Gasteizen bizi da

Koldo Mitxelenaren lan guztiak argitaratzeko lan egiten ari da, Iñigo Ruizen laguntzarekin eta Gipuzkoako Foru Aldundiaren babesarekin.

Liburuak

• Euskal baladak azterketa eta antologia. (Bi ale) Koldo Bigurirekin eta Blanca Urgellekin batera, elkarlanean 1983
• Towards a History of the Basque Language 1995 Elkarlanean.
• Current Issues in Linguistic Theory 131. 1996
• Refranes y Sentencias (1596), Ikerketak eta edizioa. Euskaltzaindia. 1996. Bilbo.
• Euskal hiztegigintza zaharra 1997

Artikuluak

• Reconstructing the Pre-proto-Basque root. 1996
• Towards a History of the Basque Language, Jose Ignacio Hualderen laguntzarekin egina.
• Hizkuntzalaritza konparatua eta aitzineuskararen erroa, "Uztaro"" 25, 47-110 1998
• Ná-De-Ná, "Uztaro" 31, 15-84 1999
• "Informe sobre supuestas inscripciones eusquéricas en Veleia" 2008
• "Filologi-ikerketak Refranes y sentencias-ez: historia eta kritika" 1997

Ehun liburu eta artikulu baino gehiago argitaratu ditu. (Ikus, esaterako, inguma.org edo dialnet)

Ikus, gainera

• Monumenta Linguae Vasconum

Kanpoko loturak

• Biografia labur bat.
• Euskaltzain oso izendatu zuteneko sarrera-hitzaldia, eta Arana Martijak emandako erantzuna.