Joseph Bell

Wikipedia(e)tik
Hona jo: nabigazioa, Bilatu
Joseph Bell
Joseph Bell
Joseph Bellen hilarria, Edinburgh.
Datu pertsonalak
Izen osoa Joseph Bell House
Jaio 1837ko abenduaren 2a
Eskozia Edinburgh (Eskozia)
Hil 1911ko urriaren 4a
Eskozia Edinburgh (Eskozia)

Joseph Bell House (1837ko abenduaren 2a, Edinburgh - 1911ko urriaren 4a, Edinburgh) eskoziar doktore eta unibertsitate irakasle bat izan zen. Edinburgh hiriko Edinburgheko Unibertsitateko eritetxean lan egiten zuen, bere lanak 1877. urtean ezagutu zuen Arthur Conan Doyle idazlearengan eragin handia izan zuen, idazle honek bere Sherlock Holmes. pertsonaia ospetsua sortu eta garatzean Bell doktorean asko oinarritu baitzen. Bell gizon bizia zen, olerkien zalea, kirolzalea eta hegaztien zalea erw bazen. Conan Doyle gaztea bere ikasgelara iritsi zen unean Joseph Bellek 39 urte zituen.

1837an Edinburgh hirian jaio zen, medikuntzan sustrai sakonak zituen familia batean, bere arbaso nabarmenetako bat Sir Charles Bell doktorea izan zelarik, azken hau medikuntza arloan Bellen paralisia deskribatzeagatik ezaguna da.


Joseph Bellek pertsonen oinez ibiltzeko modua, ahoskera, eskuak eta janzkera zehaztasun handiz eta arretaz ikertu zituen, eta informazio hau zuela pertsonei buruzko jatorria, ezaugarriak edota bizitza pertsonalaren xehetasunak asmatzeko edo zehazteko gai ere izan zen. Honela bada, bere ikasleek pertsonen ikuspen zehatz eta logika dedukzioaren bidez gaixoak ikertu zitzaten bultzarazten zituen. Sarritan, gaixoak aurretik ezer esan gabe ere, ikertu ondorengo baieztapenen bidez bere ikasleak zur eta lur utzi ohi zituen. Jack Tripa-ateratzailearen ikerketan lanetan ere parte hartu zuen.

Bell doktorea bere ikasle ohia zen Conan Doylek Sherlock Holmes pertsonaia sortzeko oinarritzat hartu zuela erabat jabe zen, gai hau harrotasunez zeraman. Bere alter egoa zenaz interesa erakutsi zuen, Sherlock Holmesen liburu baten hitzaurrea ere idatzi zuelarik.

Kanpo loturak[aldatu | aldatu iturburu kodea]