Josip Jelačić

Wikipedia(e)tik
Hona jo: nabigazioa, Bilatu
Josip Jelačić Bana

Josip Jelačić kondea (Petrovaradin 1801 - Zagreb 1859) Kroaziako heroi nazionala kontsideratua dago. Kroaziako Bana izan zen 1848 eta 1859 artean eta Kroazian morrontza kentzeaz gain garaipen militar handiak lortu zituen.

Biografia[aldatu | aldatu iturburu kodea]

Gaur egun Serbiari dagokion Petrovaradinen jaio zen 1801ean. Jelačić Etxekoa zen eta Vienan egin zituen militar ikasketak Austriako Armada Inperialean azpiteniente bihurtu zelarik. 1837rako teniente koronel zen eta 1842rako koronela. Kroazian dagoeneko sona handia zuen delinkuentziaren aurka gogor egiteagatik.

1848ko Hungariako iraultzan austriarrekin batera hartu zuen parte. Bere taktika militarrak oso arrakastatsuak izan ziren baina Alexander von Bach ministro austriarrak absolutismoa ezarri zuen Kroazian eta bi inperio handiak batzean Hungariaren kontrolpean utzi zuen Kroazia. Herritarrak ez zeuden gustora eta Josip Jelačić Kroaziako Ban izenda zezaten eskatu zuten. Honek austriarren aldeko jarrera zabaldu zuen. 1859an hil zen Zagreben, gaixotasun luze baten ondoren.

Ondorioak[aldatu | aldatu iturburu kodea]

Josip Jelačićen estatua Zagrebko plaza nagusian

Austriarren aldean egon izan zen beti eta kroaziaren germanizazioan garrantzi handia izan zuen Josip Jelačićek.

Garaiko klase politikoak gustoko ez bazuen ere, historiak garrantzi handiko agintari bihurtu du. Zagrebko plaza nagusian bere eskultura dago. Hasieran bere ezpatak Hungaria aldera seinalatzen zuen haien aurka aritu baitzen borrokan. Komunismoaren garaian estatua erretiratua izan zen, baina 1991eko independentziarekin batera berriz jarri zuten bere lekuan, oraingoan hegoaldera begira.

Commonsen badira fitxategi gehiago, gai hau dutenak: Josip Jelačić Aldatu lotura Wikidatan