Joxean Tolosa
| Tolosa | ||||
|---|---|---|---|---|
| Izen osoa: | Joxean Tolosa Esnaola | |||
| Jaiotza data: | 1955 | |||
| Jaioterria: | Amezketa, Gipuzkoa (  EH)
| |||
| Pilotaria | ||||
| Modalitatea: | esku huskako pilota | |||
| Postua: | atzelaria | |||
| Debutatze data: | 1976 | |||
| Erretiratze data: | 1995eko azaroaren 19a | |||
| Erretiratze pilotalekua: | Astelena (Eibar) | |||
Joxean Tolosa Esnaola, pilota arloan Tolosa edo Tolosa I.a deituraz ezaguna (Amezketa, Gipuzkoa, 1955) esku huskako pilotari profesional ohia da. Atzelari jokatzen zuen. Jo handikoa zen, eta gogoangarriak dira Retegi II.aren aurka jokatu zituen partidak (besteak beste, buruz buruko txapelketa nagusian Tolosak jokatutako lau finalak). Buruz buruko txapelketa nagusia behin irabazi zuen (1989) eta binakako txapelketa nagusia hirutan (1982, 1987, 1989).
1995ean, pilotaritza profesionaletik erretiratzearekin batera, ETB 1 telebista katean lan egiten hasi zen, esku huskako pilota partiden emankizunetan esatari, Xabier Euzkitze kazetaria lagun, eta orduz geroztik horretan dihardu. Pilotaren arloan inori lotu gabea denez eta aditu gisa pentsatzen duena esaten duenez, pilotarien artean kritikari zorrotza izatearen fama du.[1]
Kirol lorpenak
Esku huskako pilotan lortu dituen titulu handienak hauek dira:
- 1989: Buruz buruko txapelduna.
- 1986, 1987, 1990: Buruz buruko txapeldunordea.
- 1982, 1987, 1989: Binakako txapelduna.
- 1986: Binakako txapeldunordea.
Buruz buruko finalak
| Urtea | Txapelduna | Txapeldunordea | Tantoak | Pilotalekua |
|---|---|---|---|---|
| 1986 | Retegi II.a | Tolosa | 22-12 | Anoeta |
| 1987 | Retegi II.a | Tolosa | 22-16 | Anoeta |
| 1989 | Tolosa | Retegi II.a | 22-19 | Anoeta |
| 1990 | Retegi II.a | Tolosa | 22-08 | Anoeta |
Binakako finalak
| Urtea | Txapeldunak | Txapeldunordeak | Tantoak | Pilotalekua |
|---|---|---|---|---|
| 1981-82 | Beristain - Tolosa | Garcia Ariño IV.a - Maiz II.a | 22-21 | Anoeta |
| 1985-86 | Bergara II.a - Martinikorena | Alustiza - Tolosa | 22-15 | Anoeta |
| 1986-87 | Ladutxe - Tolosa | Alustiza - Galarza III.a | 22-14 | Anoeta |
| 1988-89 | Ladutxe - Tolosa | Retegi II.a - Arretxe | 22-18 | Anoeta |
Erreferentziak
- ↑ «Joxean Tolosa eta Xabier Euskitze, Amaraunean», Amarauna saioa, Euskadi Irratia, 2012-12-26.
Kanpo loturak
- (Gaztelaniaz) Ainhoa AROZAMENA AYALA: «Joxean Tolosa Esnaola», Auñamendi Eusko Entziklopedia.
Datuak: Q11686304