Juan Antonio Zaratiegi

Juan Antonio Zaratiegi
	; Irudi gehiago
; 13. Guardia Zibileko zuzendari nagusia
; Aragoiko kapitain jeneral
Bizitza
Jaiotza	Erriberri, 1804ko urtarrilaren 27a
Herrialdea	Nafarroa Garaia, Euskal Herria
Heriotza	Utrera, 1873ko urtarrilaren 28a (69 urte)
Hezkuntza
Hizkuntzak	gaztelania
Jarduerak
Jarduerak	militarra eta carlist soldier (en)
Zerbitzu militarra
Gradua	jeneral
Parte hartutako gatazkak	Erregezaleen matxinada; Lehen Karlistaldia

Juan Antonio Zaratiegi Zeligueta (Erriberri, 1804ko urtarrilaren 27a – Utrera, 1869^[1]) militar nafarra izan zen^[2].

Biografia[aldatu | aldatu iturburu kodea]

1821-23. urteetan Espainian ezarri zen konstituzioaren aurkako gatazkan erregearen alde borrokatu zen boluntario gisa. Tomas Zumalakarregiren laguntzaile eta idazkaria izanda, honekin batera sartu zen Lehen Gerra Karlistan. 1837an espedizioa egin eta ia Madrilera ailegatu zen. Alabaina karlistekin arazo batzuk izan zituen eta epaitu ondoren gartzeleratua izan zen. Gartzelatik irten zuenean, ordea, karlisten alde jarri zen atzera, eta Don Karlosen laguntzaile izendatu zuten. Valladolid eta Segovia konkistatu ondoren Esparterok Retuertan menderatu eta preso hartu zuen. 1839an presondegitik atera eta Karlos Maria Isidro Borboikoarekin erbesteratu zen Frantziara, Bergarako hitzarmenaren ondoren. Elisabet II.a Borboikoak 1849an amnistia eman zuenean, Espainiara itzuli eta gerra karlistetan zuen maila bera eskuratu zuen. 1868an Goardia Zibileko zuzendari nagusi izendatu zuten. 1868ko Iraultzaren ondoren, Elisabet II.a erregetzatik kendu zutenean, Don Karlosen alde egin zuen berriro. Liburu bat idatzi zuen: Vida y hechos de Don Tomás de Zumalacárregui.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.