Juan Luis Zabala
| Datu pertsonalak | ||
|---|---|---|
| Izen osoa | Juan Luis Zabala Artetxe | |
| Jaio | 1963ko uztailaren 24a | |
| Azkoitia (Gipuzkoa) | ||
Juan Luis Zabala Artetxe (Azkoitia, Gipuzkoa, 1963ko uztailaren 24a - ) euskal idazle, kazetari eta blogaria da.
Eduki-taula |
[aldatu] Biografia
Euskal Filologiako ikasketak egin ditu. 1986-1988 bitartean euskara irakasle izan zen Andoaingo Zine eta Bideo Eskolan. Geroztik, Euskaldunon Egunkarian eta Berrian egin du lan, kultura saileko erredaktore gisa.
Liburuez gain, artikuluak idatzi ditu hainbat aldizkari eta egunkaritan.
1994an Rikardo Arregi kazetaritza saria irabazi zuen, Kroaziari buruzko erreportaje-sail batengatik.
Hainbat literatur genero landu ditu. Aipatzekoak dira Zigarrokin ziztrin baten azken keak (1985, 1984ko Azkue saria), Kaka esplikatzen (1989), Galdu arte (1996), eta Agur, Euzkadi (2000), eleberriak; Ahanzturaren artxipelagoa (1987), Gertaerei begira (1988), Sakoneta (1994, Tene Mujika saria), eta Harri barruko bihotz-borrokak (1999), narrazioak; Hautsia natza (2000, Felipe Arrese Beitia saria), poesia; Federico Garcia Lorcaren Poeta New Yorken (2003), itzulpena; Jesus Mari Artze, ttakunaren esku isila (2003), biografia; Inon izatekotan (2006), artikulu-bilduma.
[aldatu] Idazlanen zerrenda
[aldatu] Narrazioa
- Ahanzturaren artxipelagoa (1987, Elkar)
- Gertaerei begira (1988, Elkar)
- Sakoneta (1994, Susa)
- Harri barruko bihotz-borrokak (1999, Elkar)
- Bideak, aldapak eta bihurguneak (Elkar)
[aldatu] Nobela
- Zigarrokin ziztrin baten azken keak (1985, Elkar)
- Kaka esplikatzen (1989, Elkar)
- Galdu arte (1996, Susa)
- Agur, Euzkadi (2000, Susa)
[aldatu] Poesia
- Hautsia natza (2000, Euskaltzaindia BBK)
[aldatu] Itzulpena
[aldatu] Biografia
- Jesus Mari Artze, ttakunaren esku isila (2003, Zumarte)
[aldatu] Bilduma
- Inon izatekotan (2006, Susa): Hau da bere blogean egindako artikuluek osatutako liburua.
[aldatu] Bloga
"Inon izatekotan" izena du eta "Berria" egunkariaren komunitatean dago sartuta.
[aldatu] Kanpo loturak
- (Euskaraz) Juan Luis Zabala literaturaren zubitegian
- (Euskaraz) "Inon izatekotan" bloga
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
