Juan Martin Elexpuru
Juan Martin Elexpuru Arregi (Bergara, Gipuzkoa, 1950eko azaroaren 15a - ) euskal idazlea eta itzultzailea da. Euskal filologian doktorea da. Filosofia eta Euskal filologiako ikasketak egin zituen. 1976tik 1996ra irakasle izan zen Bergarako UNEDeko Euskara Sailean. 2000an Goenkale telesailerako gidoiak idazten hasi zen. Gainera, Txalaparta argitaletxeak kaleratzen duen Literotura liburu erotikoen bildumako zuzendaria da. Gainera, Bergara aldeko berbak eta langintza zaharrak proiektu etnologiko-dialektologikoaren zuzendaria izan da. Bestalde, 2001etik 2005era Aralar alderdi politikoaren Gipuzkoako koordinatzailea izan zen.
Eduki-taula |
[aldatu] Lanak
[aldatu] Narrazioa
- Hamaika ipuin (2000, Elkar)
- Lasai, Juanantonio, lasai (1987, Kutxa)
- Txakur zaunkak atean (1989, Elkar)
[aldatu] Haur eta gazte literatura
- Txepetxa eta sugea (2000, Elkar)
- Fraixko eta galtzagorriak (1997, Txalaparta)
- Marea biziak zozomikoetan (1991, Pamiela)
- Fernando plaentziarra (1984, Elkar)
[aldatu] Antologia
- Euskal lizunkeriaren antologia (1999, Txalaparta)
- Krabelina Beltza, eleberri erotikoa (1998)
[aldatu] Itzulpena
George Orwell, Gianni Rodari eta Cesare Beccaria bezalako autoreen lanak itzuli ditu euskarara. 2008an Molièreren Tartufo eta Zekena obren euskarazko bertsioa argitaratu zuen Literatura Unibertsala bildumaren barruan.
- Filosofia apaingelan; Donatien Alphonse F. Sade (2001, Txalaparta): Bego Montoriorekin batera
- Delituez eta zigorrez; Cesare Beccaria (1999, Klasikoak)
- Esku bakarrarekin irakurtzeko kontuak; Pilar Cristobal (1999, Txalaparta)
- Abereen etxaldea; George Orwell (1982, Elkar)
[aldatu] Bidaia-kronikak
- Kuba triste dago (1994, Elkar)
- Alpeen itzalpean (1993, Elkar)
[aldatu] Saiakera eta ikerketa
Hizkuntzaren irakaskuntza eta ikerketaz ere baditu lanak eginak. Bergarako euskara aztertu eta hiztegia bildu du: Bergarako euskera (1988) eta Bergara aldeko berbak (2005), besteak beste.
- Iruña-Veleiako euskarazko grafitoak (2009, Arabera)
[aldatu] Kanpo loturak
 |
Artikulu hau euskal idazle bati buruzko zirriborroa da. Wikipedia lagun dezakezu edukia osatuz. |
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
