Juan Pascual Esteban

Wikipedia, Entziklopedia askea
Juan Pascual Esteban

Bizitza
JaiotzaFustiñana1864ko martxoaren 27a
Herrialdea Nafarroa Garaia, Euskal Herria
HeriotzaZaragoza1940ko uztailaren 6a (76 urte)
Hezkuntza
HeziketaZaragozako Unibertsitatea
Hizkuntzakgaztelania
Jarduerak
Jarduerakidazlea eta abokatua

Juan Pascual Esteban Txabarria (Fustiñana, Nafarroa, 1864ko martxoaren 27a - Zaragoza, Espainia, 1940ko uztailaren 6a) gaztelaniazko idazlea izan zen. Zaragozan egin zituen zuzenbideko ikasketak. El Liberal Navarro egunkariko zuzendaria izan zen. Fustiñanako historiari buruzko liburuak eman zituen argitara batez ere.[1]

Biografia[aldatu | aldatu iturburu kodea]

1876an bigarren mailako ikasketak hasi zituen Tuterako Castel-Ruiz akademian lehen ikasturtea eginez, eta gainerakoak Iruñeko Institutuan batxiler gradua amaitu arte, Huarte Hermanos ikastetxe ospetsuko barneko ikasle izan zelarik.

Zaragozako Unibertsitatean Zuzenbide Fakultatean ikasi zuen, eta Zuzenbide Zibil eta Kanonikoan lizentziatu zen 1885eko ekainaren 17an. Zuzenbide doktoregoko ikasketak egin zituen Unibertsitate Zentralean.

Bere bizitza osoan zehar bere idazle lana abokatutzarekin konbinatu zuen. Bere bizitza Iruñean, Madrilen, Zaragozan eta bere jaioterrian eman zuen. 1930ean jaioterriko zinegotzi hautatu zuten eta hiru egun eman zituen karguan.[2] Adinagatik ez zuen postua onartu.[3]

La Avalancha aldizkariak honela definitu zuen: alderdi politiko orotako gizon independentea, Nafarroari leiala, zentzuz erregionalista eta erabat katolikoa.[4]

Erreferentziak[aldatu | aldatu iturburu kodea]

  1. Lur entziklopedietatik hartua.
  2. Fustiñanako Udal Artxiboa, 12. liburukia, 308 orr.
  3. Fernández Puig, A.. (2010). «La Dictadura de Primo de Rivera en Fustiñana» Príncipe de Viana (249): 248..
  4. La Avalancha, 1911-5-8

Kanpo estekak[aldatu | aldatu iturburu kodea]

Biografia
Nafarroa Garaia
Artikulu hau Nafarroa Garaiko biografia baten zirriborroa da. Wikipedia lagun dezakezu edukia osatuz.