Juan Ruiz de Alarcón
Juan Ruiz de Alarcón y Mendoza (Mexiko, 1581 - Madril, Espainia, 1639) antzerkigilea izan zen. Mexikon jaioa, espainiar hiritartasuna zuen.
Mexikon eta Salamancan egin zituen Zuzenbideko ikasketak. Madrilen zen 1614. urtean, eta komediak idazten hasi zen Lope de Vega, Quevedo, Tirso eta abarren trufen artean, konkorduna baitzen. Indietako Kontseiluko erredaktore izan zen. Lope de Vega, Tirso edo Vélez de Guevara dramagile oparoen ondoan, idazle urria izan zen Ruiz de Alarcón, idazleak berak argitaratutako bi liburuek hogeiren bat komedia baizik ez baitute jasotzen. Aipatzekoak: Los desdichados en fingir, Los empeños de un engaño, Ganar amigos, Los pechos privilegiados, El Anticristo, La crueldad por el honor, La verdad sospechosa, Las paredes oyen, La prueba de las promesas, Mudarse por mejorarse eta El examen de maridos.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
