Jules Vallès

Jules Vallèsen erretratua.

Jules Vallès (Le Puy-en-Velay, Haute-Loire, Frantzia, 1832ko ekainaren 10a - Paris, Frantzia, 1885eko otsailaren 10a) frantses idazlea eta kazetaria zen.

Biografia

Parisa joan zen kazetaritza ikastera. Napoleon III.aren aurkako konspirazioan parte hartzeagatik espetxeratu zuten. Parisko Komunako batzorde zentraleko kide izan zen, eta Le cri de peuple egunkari sozialista sortu zuen, baina komuna desegin zenean Ingalaterrara joan behar izan zuen.

1883an itzuli zen Frantziara, eta gizarte-zapalkuntzaren aurka borrokatu zen. Jacques Vingtras (1879-1886) eleberri autobiografikoan idatzi zuen, hiru liburutan, bere belaunaldikoen iraultza gogoa.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.